نەتەوێن ئێکگرتی: پتر ژ 38 ھەزار کەسان ژ کوردستانا باشور کۆچ کرییە
وار
کۆمسیۆنا پەنابەران ل نەتەوێن ئێکگرتی کوچکرنا پتر ژ 38 ھەزار وەلاتییێ ھەرێما کوردستانێ بەر ب ئەورۆپا ڤە پشتراست کر.
کۆمسیۆنا بلند یا کارۆبارێن کۆچبەران ل نەتەوێن ئێکگرتی راگەھاند: ل دەسپێکا سالا 2015 ھەتا نھا، پتر ژ 38 ھەزار وەلاتییێن ھەرێما کوردستانێ وەلاتێ خوە ب جھـ ھێلایە و بەر ب ئەورۆپا ڤە کوچ کرییە، ژ وان ژی 393 کەسان ژیانا خوە ژ دەست دایە و تەرمێن گەلەک ژ وان ژی ھەتا نھا نەھاتینە دیتن.
ژێدەران دیار ژی کر: پتر ژ ھەزار و پێنجی کەس د گرتیگەھێن یۆنان و وەلاتێن دی دا ئاسێ ماینە و گەلەکێن دی ژی ھەتا نھا د بەرزەنە.
تێ زانین، ھەژمارا کەسێن کۆچ کری ل سالا 2016 ب ھەمبەر کرن ل گەل سالا 2015 ژ سەدەما رێککەفتنا ئێکەتیا ئەورۆپا ل گەل تورکیا ب رەنگەکێ بەرچاڤ کێم بوویە.
تُتاح هذه الصورة أيضا في: کوردی
