دهۆك.. 100 حالەتێن سۆتنا
ژینگەهێ رووداینە
تۆرا لالش یا راگەهاندنێ
بەرپرسێ رەوشەنبیری و راگەهاندنا هێزا دهۆك یا پێشمەرگەیێ پاراستنا ژینگەهێ دیاركر، ب سەدەمێ نە پێگیریا وەلاتیا پاراستنا ژینگەها دهۆكێ پتر ژ100 حالەتێن سۆتنا ژینگەهێ رووداینە هەموو سروشتێ جوانێ دەڤەرێ یێ هاتیە سۆتن و ڤەمراندنا ئاگری دەمێ بەربوویە سروشتی گەلەك ب زەحمەت كەفت.
مقەدم سیهامەددین عەلێ ،بۆ( باسنیۆز ) دیاركر، ئەڤ سالە پێشمەرگەیێ پاراستنا ژینگەهێ نەشیان رێ ل سەرپێچكارێن ژینگەهێ و كەسێن نێچیرا ماسیان دەمێ قەدەغەكرنێ دا دكن بگرن،چنكو هەموو پێشمەرگەیێ ژینگەهێ ل بەرۆكێن شەری نە و بەرەڤانیێ ژ ئاخا پیرۆزا كوردستانێ دكن و گۆت: ” هەموو پێشمەرگەیێن هێزا دهۆك یا پاراستنا ژینگەهێ نۆكە ل بەرەیێ ئاسكی مووسلێ نە دژی تیرۆرستێن داعشێ شەری دكەن”.
ناڤبری ئەو ژی دیاركر:”پرانیا نێچیرڤانێن گرتنا ماسیان ئەڤ سالە ل وەرزێ قەدەغەكرنێ پێگیری بریارا قەدەغەكرنا گرتنا ماسیان نەكرن د ئەنجامدا زیانێن مەزن گەهاندنا سامانێ ماسیان،ئەم داخوازێ ژ خەلكێ خۆ دكن هەڤكار بن بۆ پاراستنا ژینگەهێ و دەمێ زێدەبوونا غەرزی هەر جۆرە گیانەوەرەكێ نێچیری نەكن”.
تُتاح هذه الصورة أيضا في: کوردی
