ب ڤی مه‌رجی هه‌رێمێ دێ ل گه‌ل عێراقێ رێكه‌فتنێ كت
ئه‌ڤرۆ نیوز:
سه‌فین دزه‌ی، ئاخفتنكه‌رێ ب ناڤێ حوكمه‌تا هه‌رێما كوردستانێ بۆ رووداو گۆت: “به‌رپرسێن هه‌رێما كوردستانێ د ئاماده‌نه د رێیا به‌غدا دا په‌ترۆلێ ب فرۆشن، هه‌كه حوكمه‌تا عێراقێ هه‌یڤانه ژ بوودجێ گشتی یێ وه‌لاتی ئێك ملیار دۆلاران بده‌نه كوردستانێ”.
ب گۆتنا ئاخفتنكه‌رێ ب ناڤێ حوكمه‌تا هه‌رێما كوردستانێ، هه‌ر رێكه‌فتنه‌كا بهێته كرن دڤێت ل سه‌ر بنه‌مایێ واقعی یێ نوكه بیت، هه‌رێما كوردستانێ ب تنێ داخوازا هێژایێن خوه یێن دارایی دكت، ب گۆره‌ی دستوور و قانوونا بوودجه‌ی.
سه‌فین دزه‌ی گۆتژی: “ب گۆره‌ی قانوونا بوودجه‌ی بیت، پێدڤیه ل سه‌ر عیراقێ هه‌یڤانه نێزیكی ئێك ملیار دۆلار بده‌ته هه‌رێما كوردستانێ”.
تُتاح هذه الصورة أيضا في: کوردی
