حوزه‌یران 24, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مه‌هدى حه‌سه‌ن:بیرەوەریا مالئاڤاهیا جوانەمەرگ ئدریس بارزانی

بیرەوەریا مالئاڤاهیا جوانەمەرگ ئدریس بارزانی

مه‌هدى حه‌سه‌ن
‎ ل بیرەوەریا ۳٦ سالیا وەغەرا دووماهیێ یا خودێ ژێرازی سەرکردە و خەباتگێرێ بزاڤا رزگاریخوازیا گەلێ کوردستانێ ئدریس بارزانی، سەرێ رێز و خوشەویستیێ بۆ دچەمینینل ڤێ بیرەوەریا خەمگینا وەغەركرنا جوانەمەرگ “ئی ریس بارزانی”، سەرێ‌ رێزو نەوازشێ‌ بو گیانێ‌ پاقژێ‌ وی و تەڤایا شەهیدێن بزاڤا ئازادیخوازیا گەلێ‌ كوردستانێ‌ و سەركاروانێ‌ وان بارزانیێ‌ نەمر دچەمینین ل رۆژەکا وەکی ئەڤرۆل (٣١/١/١٩٨٧)ێ دكاودانێن سەخت و دژواردا، بمخابنیڤە سەركردێ‌ ژێهاتی و بلیمەت، جوانەمەرگ (ئدریس بارزانی) مالئاڤاهی كر و ڤالاتیەكا مەزن پەیدا کر دناڤا رێزێن بزاڤا ئازادیخوازیا گەلێ‌ كوردستانێدا، ب درێژاهیا شورەشێن ئیلون‌ و گولانێ‌ وەكو سەركردە و كادر و پێشمەرگە هەردەم دسەنگەرێن پێشیێدا بوویە و ئارمانج هەر تنێ بەرەڤانی كرن بوو ژهەبوونا گەلێ خو و ب دەستڤەئینانا ماف و ئازادیێ، لەوما سەركێشیا دەهان داستانێن مەزن و دیروكی كر، ل هەمان دەم دوارێن سیاسی و دبلوماسی و جەماوەری و ئێكگرتنا رێزێن خەلكێ‌ كوردستانێ‌ دا، سەركردەكێ‌ بێ‌ وێنە بوویە و هەر ئەو بو دهاتە نیاسین ب ئەندازیارێ‌ ئاشتیێ‌
‎بیرەوەریەک ب ڤی ئاوای ژ هەژییە ببیتە هاندەرەك ژبو پتر مكومكرنا ئێكرێزیا گەلێ‌ كوردستانێ‌ پێخەمەت پاراستنا وان دەستكەفتێن شەهیدێ‌ سەركردە ژیانا خو بو تەرخانكری و میللەتێ مە هزارەها شەهید و پەککەفتی بو پێشکێش کرین زێدەباری هەمی قوربانیێ دیتر.
‎ئەڤەژی کورتە ژیانەکا شەھیدێ رەحمەتی یە
ـ شەهیدێ سەرکردە ئدریس بارزانی ل سالا (4/3/1944 ) ێ لناڤ شکەفتەکا نێزیکی گوندێ بارزان تێتە سەر دونیایێ ، کو وی دەمی دەڤەرا بارزان دشورەش و خەباتەکا بەردەوام دا بوو بو بدەست ڤە ئینانا ماف و ئازادیێت گەلێ کوردستانێ و فروکێت رژێما ئیراقێ و ئینگلیزی بەردەوام دەڤەرا بارزان بومبە باران دکر و ژبەر ھندێ خەلکێ دەڤەرێ دناڤا شکەفتادا دژین، پشتی سالەکێ ماینە دشکەفتاڤە ، خەلکێ بارزان بەرەف کوردستانا رۆژھەلات ڤە چون دگەل سەرۆکێ نەمر مەلا مستەفا بارزانی .
ـ ل گورەی گوتنا نڤێسەرێ کورد (کریم زەن) پتر ژ (150 ) کەس ژ بارزانیا مرن ژبەر سر و سەرمایێ لچیایێت سنوری ھەتا گەھەشتین دەور و بەرێت باژێرێ شنو ، پاشی ئیدریس دگەل بابێ خوە و چەند چەکدارێت گەل دا ، بھاریکاریا پارتی دیموکراتی کوردستان ھاتنە ڤەگوھاستن بو مھابادێ.
ـ پشتی شکەستنا کومارا مھابادێ و شەھیدبونا پێشەوا (قازی محمد) سەروکێ کومارێ وھەڤالێت دگەلدا ل روژا (30/3/1947 )ێ سەروکێ نەمر ملا مستەفا بارزانی دگەل برایێ خوەیێ مەزن رەحمەتی (شێخ ئەحمد بارزانی ) کومبوو و بریار دا ، خێزانێت بارزانیا دگەل ( شێخ ئەحمەدی ) ڤەگەرن ئیراقێ و ئەوژی دگەل ( 500 ) چەکدارا بەرەف ئێکەتیا سوفیەتا بەرێ بکەڤنە رێ .
ـ دەمێ ( شێخ ئەحمەد بارزانی ) دگەل خێزانێت بارزانیا ڤەگەریای ئیراقێ ، رژێما وی دەمی ( شێخ ئەحمەد ) و خێزانێت وان گرتن و ئینان باژێرێ مویسلێ کرنە دگرتیخانێ ڤە و ئیدریس بارزانی ژی ئێک ژوان گرتیا بوو . پاشی بارزانی نەفی کرن بو ناڤەراست و ژێریا ئیراقێ ول سالا (1952 )ێ برنە باژێرێ بەسرا . لوێرێ ئیدریس بارزانی چو خاندنگەھێ و بەردەوام بوو ، لێ رژێما ئیراقێ جارەکدی بارزانی ڤەگوھاستن باژێرێ مویسلێ ل سالا(1954)ێ . ل وێرێ ژی ئیدریسێ رەحمەتی چو خاندنگەھێ
ـ ل سالا (1956) ێ رژێما ئیراقێ مالێت بارزانیا ڤەگوھاستن باژێرێ بەغدا و لوێرێ ژی ئیدریس بارزانی چو خاندنگەها سەرەتایی پاشی ناوەند ی . ـپشتی بارزانیێ نەمر ژ ئێکەتیا سوفیەتا بەرێ زڤری ڤە ئیراقێ ل سالا( 1958)ێ ، ما ل بەغدا و ئیدریسێ رەحمەتی ژی درێژی دا خاندنا خوە ھەتا دەسپێکا سالا(1961 ) ێ ، بارزانیێ نەمر ب خێزان ڤە ڤەگەرانە دەڤەرا بارزان پشتی تێکەلیێت ناڤ بەرا وی و ( عبدالکریم قاسمی) سەروک کومارێ ئیراقێ تێک چوین،
ـ ل سالا (1964 ) ێ ئیدریس بارزانی دبیتە خێزان دار
ـل سالا (1965)ێ دبیتە ھاریکارێ بابێ خوە بو کارێت لەشکەری و جڤاکی
ـ سالا ل ( 12/5/1966)ێ رژێما ئیراقێ ھێرشەکا لەشکەری یا مەزن کرە سەر ھێزێت پێشمەرگەی ل چیایێ ھندرینی ، لێ پێشمەرگەی بسەر پەرشتیا ئیدریس بارزانی ھێزا دوژمنی شکاندو سەرکەتنەک مەزن تومار کر و دوژمن نەچار کر داخازا چارەسەریا دوزا کوردستانێ بکەت برەنگەکێ ئاشتیانە و داخویانیا (29/6/1966 ) ێ دەربکەت
ـ هەر وەسا ل سالا (1969) چەندین خاندنگەھ ل دەڤەرێت ئازاد کری ڤەکرن ـ رولەکێ بەرچاڤ ھەبوو د دان و ستاندنا دا دگەل حکومەتا ئیراقێ ھەتا رێکەفتنا (11/3/1970) ێ دەرچوی، ئەوا دان پێدان ب مافێت گەلێ کوردستانێ کری
ـ ل ناڤەراستا کانونا ئێکێ سالا (1970) ێ ئیدریسێ رەحمەتی توشی پێکولەکا تیرورێ دبیت ل بەغدا بەلێ ب ساخلەمی ژێ قورتال دبیت،
ـ پشتی رژێما ئیراقێ ل سالا(1974)ێ جارەک دی شەر دەسپێکری ڤە رەحمەتی رولەکێ مەزن گێرا بو ڤەکرنا زانکویەکێ ل باژێرێ قەلادزێ، ئەوا ل (24/4/1974) ێ ھاتیە بومبا باران کرن ژلایێ فروکێت ئیراقێ ڤە و بویە ئەگەر بو شەھید بونا (130) قوتابیا وبریندارکرنا (200) قوتابی یێت دی ،
ـ پشتی شکەستنا شۆرەشێ ل سالا (1975) ێ ئیدریسێ رەحمەتی رولەکێ زۆر مەزن گێرا بو دەسپێکرناشۆرەشا گولانێ ل ( 26/5/1976 )ێ .
ـ ل دیماھیا ھەیڤا شواتا سالا (1979) ێ رەحمەتی سەرەدانا خومەینی کر وسەرکەتنا شۆرەشا گەلێت ئیرانێ لێ پێروز کر .
ـ ئدریسێ جوانەمەرگ رولەکێ گەلەکێ مەزن ھەبو بو پێک ئینانا بەرەی (جود) ل (28/11/1980) ێ ،
ـ ل سالا (1985)ێ رەحمەتی بزاڤ کرن ئارێشە دناڤ بەرا لایەنێت کوردستانی دا بھێنە چارەسەر کرن و ھەر بو ڤێ مەرەمێ •
ـ ل(8/11/1986)ێ کومبونەک دگەل رەحمەتی ( جلال تالبانی ) ل تەھران گرێدا و رێکەفتنەک دیروکی دناڤ بەرا وان دا ھاتە ئیمزا کرن ،
ـ ل سالا(1985) ێ چو لیبیا بو بشکدار بونێ دکومبونا ھێزێت شۆرەشگێر دا ،
ـ ل دیماھیا کانونا ئێکێ سالا(1986) ێ رولەکێ بەرچاڤ ھەبوو دکونگرێ ( نصرت الشعب العراقي ) دا ئەوێ ھاتی یە گرێدان ل تەھرانێ،
لێ ئەوا لجھێ خەم وکوڤانێ ل رۆژەکا وەکی ئەڤرۆ ل سالا (1987) ێ دلێ رەحمەتی ئیدریس بارزانی ل گوندێ سلیڤانێ ل روژ ھەلاتێ کوردستانێ راوەستا ژلێدانێ و چوو بەر دلوڤانیا خودێ مەزن ، وەغەرکرنا رەحمەتی سەرکردەکێ ھندێ مەزن زیانەکا گەلەک مەزن بوو بو گەلێ کوردستانێ و دوزا رەوایا گەلێ مە هەزاران سلاڤ ل گیانێ پاقژێ کاک ئیدریسێ جوانەمەرگ بن و هەر دێ مینی ساخ د دلێ گەل و مللەتێ خۆ دە و خەبات و رێبازا وە یا پیرۆز دێ هەر یە بەردەوام بیت ب سایا سەرۆک و رێبەر و لێڤەگەرێ گەلێ کورد سەرۆک مەسعود بارزانی و سەروەری بۆ تەڤایا شەهیدێن رێبازا پیرۆز و سەر کاروانێ شەهیدان بابێ رۆحی یێ نەتەوا کورد بارزانیێ نەمر و کاک ئیدریسێ هەردم ساخ.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi