پوختەیەك ژ كار وخەباتا بنگەهێ لالش ل 28 سالێن بۆری
شمو قاسم
پشتی سەرهلدانا گەلێ كوردستانێ ل بەهارا (1991)ێ ژمارەكا رەوشەنبیرا هەولدان بنگەهەكی دامەزرینن ولیژنەكا ئامادە (تحچیری) هاتە دانان وپاشان ل (12/5/1993)بنگەهێ لالش یێ رەوشەنبیری وكۆمەلایەتی هاتە دامەزراندن،ڤی بنگەهی كاركریە ل ژێر دروشمێ (لالش كانیەكا زەلالە دهورتە دروبارێ رەوشەنبیریا كوردی دا).
بارەگایێ سەرەكی ل سەنتەرێ باژێرێ دهۆكێ یە ، و هەشت تایی ب خۆ ڤە گرتینە ل شنگال و سنوونێ و شێخان و باعەدرێ و باشیك و بەحزان و خانكێ و شاریا و دیسا تایەك ژی ل ئەلمانیا یە، (29) نڤیسینگەهـ ونوونەرەیاتی دبەلاڤن ل سەرانسەری دەڤەرێن ئێزدیان،ژمارا ئەندامێن بنگەهی دگەهە(6700)ئەندامێن خودان باوەرناما بەكالۆریا وسەرا و هەتا نهۆ (13) كۆنفراسێن گشتی و ب باشترین شێوێ دیموكراسی هاتینە گێران,ئەنجامدانا كۆمبوونێن بەرفرەه یێن سالانە ب ئامادەبوونا هەموو ئەندامێن تایی ونڤیسینگەه وكارمەندێن لالش ژبۆ هەلسەنگاندن ونرخاندنا كارێ سالا بۆری ودانانا پلانەكا هەژی بۆ سالا داهاتی.
ژ ئارمانجێن گرنگ یێن بنگەهێ لالش:
1_ ڤەژاندن و پێشڤەبرنا جڤاكێ كوردی تایبەت كوردێن ئێزدی ژبۆ بلندكرنا ئاستێ رەوشەنبیری وبەلاڤكرنا دیموكراسیێ و پەیداكرنا یەكسانیێ دناڤا ژن و زەلاما دە، ب گێرانا كۆر و سمینار و ۆرك شۆپ وخۆلێن رەوشەنبیری.
2_ ساخكرنا بیرەوەریێن جڤاكی ودینی ونەتەوەی وداكۆكی لسەر رەسەنیا ئێزدیان یا كوردی.
3_كۆمكرنا تێكستێن دینی یێ ئێزدیاتیێ ژقەول وقەسیدە ودوعا وبەیتا.
4_ئاسانكرنا كاری بۆ ڤەكۆلەر و نڤیسەرێن لسەر دیرۆك و كەلتۆرێ كوردی و ئێزدیاتیێ دنڤیسن.
5_ بەلاڤكرنا هزرێن پێَكڤەژیانێ و لێبۆرینا ئاینی ئارمانجێن هەرە سەرەكی یێ بنگەهێ لالشن.
ژ بزاڤێن بنگەهێ لالش ب كورتی:
1. سالانە ڤیستەڤالا لالش یا رەوشەنبیری دهاتە گێران و ب دەهان كەسێن بسپۆر د بوارێ جڤاكی و نەتەوەی و كەلتۆری تێدا پشكدار دبن , ونهۆ ڤیستەڤالێن فلكلۆری ودیدارێن لالش ل جیێ وان دئێتە گێران.
2. چاپكرنا گۆڤارا لالش یا وەرزی ب زمانێ كوردی ب (پیتێن ئارامی ولاتینی ) وعەرەبی وئینگلیزی و(45) ژمارە هەتا نهۆ هاتینە وەشاندن و هەشت گۆڤارێن تایا پاشگۆیێ گۆڤارا لالش هەنە.
3. رۆژناما دەنگێ لالش یا هەفتیانە ب زمانێ كوردی وعەرەبی هەتا نهۆ (556 ) ژمارە هاتینە دەرخستن.
4. سایتەكی ئەلكترۆنی بناڤێ (lalish medya netwok) (شبكە لالش الاعلامیە) ب زمانێ عەرەبی وكوردی ب(پیتێن ئارامی ولاتینی )دئێتە ب رێڤەبرن.
5. زنجیرەكا پەرتۆكا دئێتە چاپكرن وهەتا نهۆ (40 ) پەرتۆك هاتینە دەرخستن.
6. گێرانا چەندین كۆر و سمینار وخۆلێن رەوشەنبیری ژبۆ پێشكەفتنا جڤاكی و بیروباوەرێن دیموكراتی و مافێ مرۆڤی و پێكڤەژیانێ.
7. بنگەهێ لالش بوویە برەك ژبۆ گەهاندنا داخوازیێن دەڤەرێن ئێزدیان بۆ دەستهەلاتێ و زێدەكرنا پەیوەندیا دگەل رێكخراوێن جڤاكێ سڤیل و سەنتەرێن رەوشەنبیری یێن ناڤخۆیی و نێڤ دەولەتی ژبۆ بتر هاریكاریكرنا جڤاكی ل كوردستانێ وتایبەت ئاوارێن شنگال و باشیك وبەحزانێ.
8. ئامادەكرنا پرۆگرامێ خووندنا ئێزدیاتی ل هەموو قۆناغێن خووندنێ ب هەڤكاری دگەل وەزارەتا پەروەردێ و رێڤەبەریا گشتی یا پەروەردا پارێزگەها دهۆكێ وپشتی (2003)ێ رەزامەندیا وەزارەتا پەروەردا بەغدا ژی هاتە وەرگرتن بۆ خووندنا ئێزدیاتیێ ل دەڤەرێن ئێزدینشین وتایبەت دەڤەرێن تازە رزگاركری.
9. ئامادەكرنا رەشنڤیسەكێ ژ(قانوون الاحوال الشخصیە) بۆ ئێزدیان وهاتە هنارتن بۆ جڤاتا رۆحانیا ئێزدیان دا پێداچۆنێ لسەر بكن و فرێكەنە پەرلەمانێ كوردستانی دا رەزامەندیێ لسەر بكن و بێتە ب كارئینان ل دادگەهێن بارێ كەسایەتی.
10. چەندین پرۆگرامێن رادیۆ وتەلڤزیونی یێن هەفتیانە دئێنە پەخشین لدۆر رێورەسمێن ئێزدیاتیێ وپێكڤەژیانێ وەكی بەرنامێ سەما ومەرگەه وئێزیدخان و رەسەن.
11. دكێومێنتكرنا تێكستێن دینی و داب ونەریت و رێورەسم و كارێن كو ئێزدێ سالانە ئەنجامددەن دگەل كۆمكرنا دكیۆمێنتا لدۆر كارەساتا شنگال.
12. پەرتۆكخانەكا بتری شەش هەزار پەرتۆكا ب خۆڤە دگرت.
13. مۆزەخانەكا هەردەم لبەردەستە.
14. دەرخستن وبەلاڤكرنا سالناما لالش یا سالانە ودیاركرنا مێژوویا هەموو جەژن وهەلكەفتێن دینی وجڤاكی ونەتەوەی ودئێتە بەلاڤكرن دناڤا جڤاكێ ئێزدیان دا بێی بەرامبەر.
15. كاركرن ژبۆ ڤەگوهاستنا ب هەزاران قوتابێن ئێزدی ل زانكۆ و پەیمانگەها ژجیێن مەترسیدار بۆ زانكۆ و پەیمانگەهێن هەرێما كوردستانێ.
16. بدەسڤەئینانا هاریكاریا بۆ بتری(800)ئۆلدار ومجێورێن ئێزدیان ژلایێ حكوومەتا هەرێما كوردستانێ ڤە.
17. سەخبێریكرنا بەردەوام یا هەموو هۆلێن لالش یێن هەلكەفتا.
18. گەلەك كار و بزاڤێن دن ژی هاتینە ئەنجام دان.
تُتاح هذه الصورة أيضا في: کوردی
