كاریگەریا شریناهیان لسەر زارۆكان
عزەت برۆ
جەژن ئەو رۆژە خۆشی و شادیە و بهێزكرنا پەیوەندیێن جڤاكی یە بۆ هەموو چین و توێژێن جڤاكی و بڤێ هەلكەفتا مەزن و پیرۆز خەلك دلخۆش دبت ب تایبەتی زارۆك،جەژن دیاردەكا جڤاكی و ئایینی یا گشتی یە ژ كەڤندا مرۆڤا ئەڤ رێورەسمە گێرانە كو دەربرینێ ژ بیر و باوەرێن خۆ یێن ئایینی و جڤاكی كرینە، جەژن دبتە ئەگەرێ بهێزكرنا پەیوەندیێن جڤاكی و لێبۆرینێ و ڤیانێ بەلێ دڤێت ل رۆژێن جەژنا مرۆڤ ئاگەه ژ زارۆكێن خۆ هەبت داكو گەلەك شریناهیا نەخۆن ،چنكو زارۆك گەلەك هەستیارە بخوارنا زێدە یا شریناهیا دێ كارتێكرنا خراب لسەر تەندرۆستیا وان كت راستە زارۆك گەلەك حەز شریناهیا دكت و بخوارنا وان دلخۆش دبت بتر ژ خوارنا هەرتشتەكێ دی،بێگومان لەشێ زارۆكان پێتڤی رێژەكا دەست نیشانكری یا شەكرێ هەیە بەلێ نابت زێدە بخۆت و زیانێ بگەهینت ساخلەمیا وی،ژ گرنگترین زیانێ شریناهیا لسەر ساخلەمیا زارۆكان:قەلەوی و نەخۆشیا شەكرێ ،شریناهیا تامەكا خۆش هەیە و شرینن ژبەر ڤێ چەندێ زارۆكا حەزا خوارنا وان هەیە وەك شوكولاتا و شەكرۆك و چكلێت دبنە ئەگەرێ قەلەویا زارۆكا و تووش بوون ب نەخۆشیا شەكرێ هەروەسا خوارنا شریناهیا دبتە ئەگەرێ كێمكرنا كالسیوم و مگنسیومی ئەگەر رێژەكا زۆرا شەكرێ چۆ دناڤ لەشێ زارۆكی دا دبتە ئەگەرێ حەلاندنا مادێن ئاسنی وەك كالسیوم و مگنسیوم لەشێ زارۆكی گەلەك پێتڤی بڤان ماددا هەیە دیسان رزاندنا ددانا ئێك ژ مەترسیێن سەرەكی یە دەمێ زارۆك گەلەگ شریناهیا دخۆت ئەو ماددێ شەكرێ دبتە هاریكار كو بەكتریا زێدە بت و ددانا برزینت و زارۆك گەلەك ئێشانێ دبینت و تووشی گەلەك ئاریشێن تەندرۆستی دبت،هەروەسا خوارنا شریناهیا كارتێكرنێ ل خوارنێن دی یێن ب مفا دكت پێكهاتێن شریناهیا ب شێوەیەكی سەرەكی شەكرن دگەل هندەك مادێن دی لدوڤ جۆرێن شریناهیا وەك ماددێ دوهنی و مادێن رەنگا و رەنگ و بێهنێن دەستكرد و كافیێن ئەڤ ماددا كارتێكرنێ ل كۆئەندامێ هەناسێ دكن دبتە ئەگەرێ هندێ زارۆك تووشی نە ئارامیێ و وەستیانێ ببت،دیسان خوارنا شریناهیا كارتێكرن لسەر گەشەكرنا زارۆكان هەیە دەمێ شریناهیا دخۆت زوو تێر دبت نكارت خوارنێن دی یێن ب مفا بخۆت دبتە ئەگەرێ هندێ زارۆك بێ بەهر بت ژ خوارنێن پری فیتامین،ئەڤ چەندە كارتێكرنێ ل گەشەیا زارۆكی دكەت هەروەسا زارۆكێ گەلەك شریناهیا بخۆت نەیێ چالاكە بەرامبەر زارۆكێ كێم دخۆت.
تُتاح هذه الصورة أيضا في: کوردی
