زارۆكێ خۆ ژ یاریا بێ بەهر نەكن
چنار شمو قاسم 
یاری غەریزەكە بۆ گەشەكرن و وەرارا شیانێن جودا جودا یان راهێنانەكە بۆ كارێن پاشەرۆژا زارۆكی و یاریان بۆ زارۆكی گرنگیەكا مەزن هەیە،زارۆك دبن سیبەرا یاریێ دا نە ژئالیێ لەشی بتنێ ڤە بهێز دكەڤت بەلكو چەلەنگیا ئەندامێن دی یێن لەشی ب رێیا یاریا بلەز دكەڤن و كارتێكرنەكا رادەبەدەر یا یاریێ بۆ مێشكێ زارۆكی و شیانێ هزركرنێ،هەروەسا یاری بۆ پێكئینانا كەسایەتیەكا ساخلەم و فێربوونا رەفتارێن جڤاكی یێن زارۆكی تشتەكێ فەر و چارەنڤیسازە،مەبەست ژ یاریێ دەركرنا هێزێن زێدەیە دناڤ لەشی دا بڤێ رامانێ كو ئەگەر زارۆك قیژیا بدەت یان لڤینێ زێدە بكت ژبۆ هندێ یە هێزا زێدە یا لەشێ خۆ بڤێ رێ بینتە دەرێ،یاری بەرهەڤبوونا زارۆكی یە بۆ كارێن قۆناغا مەزن بوونێ یە،دیسان یاری دبتە ئەگەرا پێگەهاندن و دلینیا زارۆكی بۆ شێوازێ ژیانێ و دەستڤەئینانا پێتڤیا و زالبوون و فێربوونێ ب وێ چەندێ زارۆك دكارت دگەل دەوروبەرا پەیوەندیێ دروست چێكت و فێری رێیا حەز ژێكرنێ بت ،زاروك ب رێیا یاریێ گەلەك داب و نەریتێ جڤاكی فێردبت هەروەسا فێردبت رێزێ ل كەسێن دی بگرت و چاوا پلانێ دانت و خەباتێ بكت بسەر رێگری و ئاریشێن د رێیا وی دا هەین بسەر بكەڤت،بەلێ دڤێت دەیك و باب جۆرێن یاریێن باش و مفا بۆ زارۆكێن خۆ هەلبژێرن دوور بن ژ توندوتیژیێ و كارێ خراب چنكو دێ كارتێكرنەكا خراب لسەر كەسایەتیا زارۆكی كت وەك یاریێن ئاگری و چەكا،دڤێت یاری ببت ئەگەرا پێشكەفتنا هزر و شیانێن لەشی یێن زارۆكی،هەروەسا رەفتارەكا جڤاكیا هەژی و پەسەند بت، لەوما یا فەرە دیاركرنا جۆرێن یاریا بۆ زارۆكی،ل دەمێ هەلبژارتنا یاریا دڤێت چەند تایبەتمەندیێن زارۆكی بەرچاڤ بێنە وەرگرتن وەك تەمەنێ زارۆكی دڤێت یاری یا گونجای بت دگەل تەمەنێ وی دا كو بكارت خۆشیێ ژێ وەرگرت،هەروەسا رەگەزێ زارۆكی حەزا زارۆكێ كچ و كور جوداهی هەیە لسەر جۆرێ یاریا،دڤێت یاری ل ئاستێ هزری و مێشكێ زارۆك بت دا بكارت بكاربینت،هەروەسا یا گونجای بت دگەل ژینگەها زارۆك تێدا دژیت.
تُتاح هذه الصورة أيضا في: کوردی
