كەرب و كین
عزەت برۆ
خێزان یەكەم قوتابخانەیە كو زارۆك تێدا دئێتە پەروەردەكرن و فێری رەوشت وداب ونەریتێ جڤاكی دبت،لەوما یافەرە خێزان زارۆكێ خۆ فێری رێیێن دروست یێن پەروەردەكرنێ بكت و حەژێ كرنێ و دلۆڤانیێ و لیبَۆرینێ د ناخێ زارۆكی دا بچینت و د كەشەكی ئارام دوور ژ شەر و هەڤدژیێ وئاخڤتنێ نەی جوان مەزن بكن،چنكو ئەگەر زارۆك د كەشەكی نەخۆش دا مەزن بوو و هاتە ئیشاندن وگۆتنێ خراب و پێتڤیێن وی نەهاتن تێركرن وخێزان بوو رێگر بەرامبەر حەزێن زارۆكی وەك نەهێلانا یاریا دگەل هەڤالێن خۆ و دوور كرن ژ زارۆكان دێ بارێ وی یێ دەروونی تێك چت و هەست ب كێماسیێ كت دێ بتە كەسەكێ رەش بین باوەری ب خێزانا خۆ نامینت،هەروەسا باوەری ب كەسێن دەوروبەرێ خۆ ژی نامینت دێ كەرب وكین بەرامبەر خەلكێ ل نك زێدە بت و رێزێ ل داب و نەریتێ جڤاكی ناگرت دێ بتە ئەگەرێ پەیداكرنا ئاریشا و هەروەسا رەڤین ژ قوتابخانێ یان بجه هێلانا قوتابخانێ و شیانێن چێكرنا پەیوەندیێ جڤاكی نامینت ئەڤ چەندە ژی دێ كارتێكرنەكا خراب ل پاشەرۆژا وی كت،چەندین نیشان ل نك كەسێن ب كەرب وكین هەنە وەك:خودانێ رەفتارەكا گەفكەرا و تۆرەیە ونەبوونا شیانێن دەربرینا ئارەزوویێن خۆ هەروەسا یێ عناد و شەرخواز دیسان خودان كەسایەتیەكا لاواز و دەروون تێك چۆیی و حەز ژ قەرقەشا كت وبەردەوام د نە ئارامی و دوو دلیێ دا دژیت،هەروەسا كەیفا وی ب ترانەكرنا هەڤالێن وی دئێت و كەسەكێ بێ باوەری و رەش بینە و هەردەم گازندا ژ دەوروبەرێ خۆ دكت.،پێتڤیە دەیك و باب چ بكن داكو زارۆكێن خۆ ژ كەرب و كینێ بپارێزن:پەیداكرنا سۆز و ڤیانێ و هاندان و پشتەڤانیكرنا كارێ دروست و باش یێن زارۆكی،هەروەسا خۆ دووركرن ژ ئاخڤتنێن كرێت و كێمكرنا زارۆكی و بهێز ئێخستنا باوەری ب خۆبوونێ و پشت بخۆ گرێدانێ و دابینكرنا پێتڤیێن دەروونی و لەشی یێن زارۆكی دیسان فێری ڤیانێ و لیبۆورینێ و دانوستاندنێ بكن.
تُتاح هذه الصورة أيضا في: کوردی
