كارتێكرنا دراما توركی لسەر گەنجێن مە
غەزوان غازی
دراما توركی ئێك ژ بەربەلاڤترین درامایە دناڤ جڤاكێ كوردی دا ،كو ب شێوەیەكی بەردەوام و زێدە خەلك تەماشە دكن،ب رێزا ئێكێ دئێت بەراورد دگەل درامایێن هاتینە وەرگێران بۆ زمانێ كوردی،چ پۆزەتیف یان نیگەتیڤ دراما توركی كارتێكرنەكا زۆر لسەر گەنج و سنێلان یا كری،ئەو كارتێكرن و گهۆرینێن لسەر گەنجی و سنێلەی كری بەردەوام ئەو دبینن و دزێدەبوونێ دانە ، وەك ئاخفتنێن رۆژانە و ستایلی ب تایبەت گەنجان د قوناغا سنێلەیێ دا .
لگۆر بسپۆرێن زانستێ كۆمەلناسیێ ئەو گەنجێن تەماشەی دراما توركی دكن كارتێكرن بسەر ستایلی دا دئێت و گهۆرین بسەر شیوازێ ئاخفتنێ دئێت ، ئەو گەنج هاتینە پەروەردەكرن دئێك لایەنی دا و پتریا وان نە ژ خێزانێن وان بوویە،ژبەركو فێری پەروەردەكا نیگەتیڤ بووینە،ئەو گەنجێن دقۆناغا سنێلەیێ دا پشكەك ژ پەیڤێن وان نائێنە گونجاندن دگەل كەسانێن ب تەمەن و جڤاكی،ئەگەر ژی دزڤرنە تەماشەیا دراما توركی ،ئەگەرەكێ دی یێ تەماشەكرنا دراما توركی ژلایێ گەنجی ڤە دیمەنێن رومانسی نە داكو تارادەیەكی ژلایێ سكسی ڤە ئارام ببت،بێگومان ئەڤ رێ ژی نائێتە گونجاندن دگەل جڤاكی ، دیمەنێن دناڤ درامایێ دا دئێنە رودان گۆمان تێدا نینە دمێشكێ گەنج و سنێلا دا كۆپی دبن سەیر ژی نینە ئەگەر وان دیمەنان دجڤاكی دا بكن د نیگەتیڤ یان پۆزەتیڤ بن،لەورا دڤێت خێزان بەردەوام هایداری زارۆك و گەنجێن خۆ بن تایبەت سنێلەیان.
ب دیتنا من پێشكەفتنا هەر وەلاتەكی ژ گەنجی دەست پێ دكت،لێ ئەگەر پێشكەفتنا گەنجێ مە یا دەستكرد بت و هەر هزر و بیرێن وی ژ وەلاتەكی بن و لبن باندۆریا درامایێن بیانی بت،بڤێ چەندێ پێشكەفتنا گەنجی و وەلاتێ مە دێ یا ب زەحمەت بت ، لەورا هیڤیدارم ژ خێزانا باشتر ژ بۆری چاڤدێر بن لسەر گەنج و سنێلە و زارۆكێن خۆ،داكو نڤشەكێ باش ژێ بەرهەم بێت بۆ مالباتێ و وەلاتی.
تُتاح هذه الصورة أيضا في: کوردی
