پارتی و تیرۆركرنا (رۆژنامه‌ڤانا)؟!
كۆڤان حسێن
مخابنی رۆژنامه‌ڤانا وه‌ك (نێچیره‌كا) ئاسا
ن بۆ تیرۆرێ و روودانه‌كا پری ده‌نگ ڤه‌دان بۆ گه‌له‌گ مه‌ره‌ما و گه‌له‌ك ئالی بكاردئینن، تیرۆركرنا رۆژنامه‌ڤانا ئاسانترین كاره و پڕ ده‌نگترین روودانه، ئه‌ڤه چه‌ندین روودان ب ڤی ره‌نگی ل كوردستانێ روودان و هه‌می روودانێن كه‌یسێ وان تیرۆركرنا رۆژانه‌ڤانا بیت باده‌كێن وان ب (دژی مه‌جهولا)دهێنه ڤه‌كرن و سازسێن ئاسایشێ وه‌ك پێدڤی رۆنكرن بۆ نه‌بووینه یان ب مژداری هنده‌ك داخویانی داینه، لێ ژڤێ تاوانێ ئاسانتر ئه‌وه مرۆڤ زوو ئالیه‌كێ پێ تاوان بار بكه‌ت، ئاشكراتر بێژم ل زونا زه‌ر هه‌ر كه‌سێ بهێته تیرۆركرن، زوو خه‌لكه‌ك ئاشكرا پارتی تاوانبار دكه‌ت، ب كوشتنا رۆژنامه‌ڤانا، ئه‌م زوو ئێكودو تۆمه‌تبار دكه‌ین بێ ئه‌م بیرا تیرۆرستان ب خوه بكه‌ین؟! یان بیرا وی ئالی بكه‌ین یێ ژ تیرۆركرنا رۆژنامه‌ڤانه‌كی قازانجێ بینیت، پارتی ل گۆر فه‌لسه‌فا خوه‌یا رۆن و ئاشكرا ب هه‌می ره‌نگی دژی تیرۆرێ یه وه‌ك هزر وه‌ك ئامراز وه‌ك ئارمانج، لێ بۆچی ئه‌ڤ روودانه ل زونا زه‌ر په‌یدا دبن؟! بۆچی هنده‌ك كه‌یس ماینه هه‌لاویستی، بۆچی داخویانیێن فه‌رمی نینن، بۆچی به‌لگێن پێدڤی به‌لاڤ نابن؟! پارتی د (70) سالێن ژیانا سیاسی دا ل عیراقێ و كوردستانێ و هیج قووناغه‌كێ د لاوازترین قووناغ دا پارتی باوه‌ری ب تیرۆرا سیاسی نینه، وه‌ك ئالاڤه‌كێ شه‌ری بكار نه‌ئینایه سه‌خمه‌راتی هندێ دهێته گۆتن هیچ به‌لگه‌یه‌كێ جهێ باوه‌ریێ ل به‌رده‌ست نینه پارتی وه‌ك (حزب) و به‌رنامه كاره‌كێ تیرۆرێ ئه‌نجام دابیت، ئه‌و كه‌سێ شیانێن پارتی ب زانیت د كه‌ڤن و نوو دا دێ زانیت پارتی چه‌ند شیان هه‌بووینه و هه‌نه، لێ بیرۆكا تیرۆرا سیاسی بیروكه‌كا (حه‌رامه) د فه‌لسه‌فا پارتی دا، لێ ئه‌ڤه وێ چه‌ندێ دیار ناكه‌ت كه‌سه‌ك (پارتی) كاره‌ك خوه‌سه‌ر ئه‌نجام نه‌دا بیت؟! پارتی تووشی شه‌رمه‌كێ یان (ئیحراجه‌كێ) نه‌كربیت، روودانێن تیرۆرا سیاسی ل سه‌رده‌مێ شۆره‌شێ قه‌ده‌غه بوون. ل سه‌رده‌مێ شه‌رێ ناڤخۆیی ژی نه‌هاتینه كرن وه‌ك ئالاڤه‌كێ سه‌ره‌كیێ شه‌ری، دبیت هنده‌ك روودان هه‌بن، لێ دڤه‌قه‌تیای و بێ بها بووینه ل سه‌ر ئه‌نجامێن خوه، پارتی وه‌ك پێدڤی دڤیا نوكه هێزا كاریگه‌را خوه ل سه‌ر سازیێن (ئه‌منی) ل ده‌ڤه‌را خوه گرانتر بكه‌ت بۆ ئاشكراكرنا تاوانبارێن كو سه‌رجه‌مێ كوردستانێ تووشی (شه‌رم و ئیحراجێ) كری ب تیرۆركرنا رۆژنامه‌ڤانه‌نان. رۆژنامه‌ڤان سامانه‌كێ نه‌ته‌وه‌یی نه بۆ هه‌ر مله‌ته‌كی و شاهد و دیده‌ڤانێن راستیێ نه، باوره‌ریا مه ب سازیێن (ئه‌منی) ل دهۆكێ هه‌یه كو تاوانبارێن روودانا تیرۆركرنا رۆژمامه‌ڤان (وه‌داد حسێن) بده‌نه دادگه‌هێ و ژینگه‌ها سیاسی بۆ كارێ میدیاگه‌ریێ ل دهۆكێ ژینگه‌هه‌كا ل بار و گونجایا كاركرنێ بیت، تۆمه‌تباركرنا ئالیه‌كی وه‌ك حزب و سازی بیچه‌كێ ژ تاوانا تیرۆرێ كێمتر تاوانه، ده‌ستهه‌لاتا ده‌ڤه‌رێ نه‌چاره ب زووترین ده‌م ڤێ روودانێ ئاشكرا بكه‌ت و كوردستانێ ژ ڤێ (ئیحراجا) تێكه‌تی و ناڤوده‌نگیا پارتی و كوردستانێ خلاس بكه‌ن.
تُتاح هذه الصورة أيضا في: کوردی
