ئه‌زموونێن 12 ئاماده‌یی ده‌ست پێكرن
راگه‌هاندنا په‌روه‌رده‌يا گشتى يا دهۆكێ
ئه‌ڤرول ده‌م ژمێر (08:30) سپێدێ رێكه‌فتی 2/6/2016 ئه‌زموونێن قوناغا 12 ئاماده‌یی ل سه‌رانسه‌ری هه‌رێما كوردستانێ ده‌ست پێكرن و 263 هزار قوتابیان پشكداری دئه‌زموونان دا كر و نێزیكی 106 هزار و29 ماموستایا چاڤدێریا 2146 بنگه‌هێن ئه‌زموونان ل سه‌رانسه‌ری كوردستانێ دكه‌ن .
بو دویڤ چونا ره‌وشا ئه‌زموونان جێگرێ پارێزگه‌رێ دهوكێ ب وه‌كاله‌ت ورێڤه‌به‌رێ گشتی یێ په‌روه‌ردا پارێزگه‌ها دهوكێ سه‌ره‌دانا چه‌ند بنگه‌هێن ئه‌زموونان ل سه‌نته‌رێ باژێرێ دهوكێ كر .
دڤان سه‌ره‌دانا به‌رێزان ( باسل جوقی ) جێكرێ پارێزگه‌رێ دهوكێ ب وه‌كاله‌ت و عبد یوسف احمد رێڤه‌به‌رێ گشتی یێ په‌روه‌ردا پارێزگه‌ها دهوكێ ژنێزیك ئاگه‌هداری ره‌وشا ئه‌زموونان بون وداخوازا سه‌ركه‌فتنێ بو قوتابیان خواست .
ل پارێزگه‌ها دهوكێ 41955 قوتابی یێن قوناغا 12 ئاماده‌یی ب پشكێن ( زانستی – وێژه‌یی – پیشه‌یی – خواندنا ئیسلامی ) ل ( 664) بنگه‌هێن ئه‌زموونان ل سه‌رانسه‌ری پارێزگه‌ها دهوكێ پشكداریێ دئه‌زموونێن گشتی یێن ئه‌ڤ ساله سالا خواندنێ 2015/2016 دا خولا ئێكێ دا دكه‌ن وب ڤی ره‌نگی :
1. 23505 قوتابی پشكا زانستی .
2. 17925 قوتابی پشكا وێژه‌یی .
3. 370 قوتابی پشكێن پێشه‌یی .
4. 155 قوتابی خواندنا ئیسلامی .
هه‌ژی گوتنێ یه ل روژا چوارشه‌مبی رێكه‌فتی 8/6/2016 ئه‌زموونێن نیشتیمانی خولا ئێكێ یێن قوناغا 9 بنه‌ره‌تی سالا خواندنێ 2015/2016 ل سه‌رانسه‌ری هه‌رێما كوردستانێ ل ده‌م ژمێر 08:30 سپێدێ دێ ده‌ستپێكه‌ن و 40979 قوتابی یێن قوناغا 9 بنه‌ره‌تی ل 568 بنگه‌هێن ئه‌زموونان ل سه‌رانسه‌ری پارێزگه‌ها دهوكێ دێ پشكداریێ دئه‌زموونێن نیشتیمانی یێن ئه‌ڤ ساله دا كه‌ن .
تُتاح هذه الصورة أيضا في: کوردی
