ده‌سته‌يا وه‌به‌رهێنانێ: به‌رهه‌ڤى بۆ ئاڤاكرنا 20 هزار يه‌كه‌يێن ئاكنجيبوونێ بۆ هه‌ژاران دهێنه كرن
گاڤ نيوز
ده‌سته‌يا وه‌به‌رهێنانێ يا هه‌رێما كوردستانێ ئه‌ڤرۆ رۆژا دوشه‌مبيێ راگه‌هاند كو به‌رهه‌ڤى بۆ دروستكرنا 20 هزار يه‌كه‌يێن ئاكنجيبوونێ ل هه‌رێما كوردستانێ كو دێ بۆ کێمداهات و كرێداران هێنه ئاڤاکرن، دهێنه كرن.
د راگه‌هاندنه‌كا ده‌سته‌يێ دا هاتيه؛ ب ئاماده‌بوونا د. محه‌مه‌د شوكرى سه‌رۆكێ ده‌سته‌يا وه‌به‌رهێنانێ و رێڤه‌به‌رێن گشتى يێن ده‌سته‌يێ و رێڤه‌به‌رێن گشتى يێن وه‌به‌رهێنانێ ل پارێزگه‌هان و ئيداره‌يێن سه‌ربخۆ كۆمبوونه‌كا تايبه‌ت هاتە کرن.
تێدا هاتيه ژى؛ د كۆمبوونێ دا به‌حسا ئاڤاكرنا 20 هزار يه‌كه‌يێن ئاكنجيبوونێ بۆ کێمداهات و كرێداران هاته كرن.
ديار ژى كريه؛ هه‌روه‌سا به‌حسا ده‌ستنيشانكرنا پێشه‌كيا قستان، بهايێ شوقه‌يان و دابينكرنا خزمه‌تگۆزاريان هاته كرن.
زێده ژى كريه؛ بڕيار هاته دان كو د دابه‌شكرنا ڤان شوقه‌يان دا ئه‌وله‌ويه‌ت ژ بۆ كه‌سێن هه‌ژار، کێمداهات، ئه‌وێن شيانێن دانا كرێيێن خانيان نه‌ى و ئه‌وێن ژ چ پرۆژه‌يێن حكومه‌تێ مفادار نه‌بووين، بيت.
تُتاح هذه الصورة أيضا في: کوردی
