پارتی: پێدڤیە هەلبژارتن د دەمێ خۆ دا بهێنە کرن
گاڤ نیوز
فراکسیۆنا پارتی دیمۆکراتی کوردستان دوپات کر کو پێدڤیە هەلبژارتن د دەمێ خۆ دا بهێنە کرن و سەرۆکێ فراکسیۆنێ ژی بۆ ئەنجامدانا کۆمبوونا پەڕلەمانی هوشداری دانە سەرۆکا پەڕلەمانی.
زانا مەلا خالد، سەرۆکێ فراکسیۆنا پارتی دیمۆکراتی کوردستان ئەڤرۆ د کۆنگرەیەکێ رۆژنامەڤانی دا هەلویستێ پارتی دەربارەی هەلبژارتنان دیار کر کو گۆت: ئێکەتیا نشتیمانی، تەڤەگەرا گۆڕان، یەکگرتویا ئیسلامی و کۆمەلا دادگەری ناخوازن کۆمسیۆن ل سەر پشکا بەرکفتنێن هەلبژارتنان بهێتە پێکئینان و پارتی ژی ل گەل وێ یەکێ کو کۆمسیۆن وەکی خۆ دوبارە بهێتە کاراکرن.
هەروەسا گۆت: سەرۆکا پەڕلەمانی کو ب دەنگێن زۆرینە یێن پارتی بوویە سەرۆکا پەڕلەمانی ل رۆژا 13/3/2022 پشتەڤانیا تنێ هێزەکا سیاسی یا پەڕلەمانی کر و تنێ کو هێزەکا سیاسی داخوازیەک هەیە، سەرۆکا پەڕلەمانی کۆمبوون هەلوەشاند.
هەروەسا گۆت ژی: “هەولێر هەولێر بەغدا نینە و پەڕلەمانێ کوردستانێ ژی جڤاتا نوینەرێن ئیراقێ نینە کو ئێکەتی بشێت کۆمبوونێن پەڕلەمانێ ب هەلوەشینیت و ئەگەر ئەو بزاڤە بهێتە کرن، پارتی دێ زۆرینەیا خۆ د ناڤا پەڕلەمانی دا بکارئینیت و سەپاندنا ئیرادا چ ئالیان قەبیل ناکەین”.
سەرۆکێ فراکسیۆنا پارتی دوپات ژی کر کو هوشداریان ددەنە سەرۆکا پەڕلەمانی دەربارەی ئەنجامدانا کۆمبوونا پەڕلەمانی و دوپات کر چ هێز و ئالی نەشێن مافێ دەنگدانێ ژ خەلکێ کوردستانێ وەربگرن.
تُتاح هذه الصورة أيضا في: کوردی
