حوزه‌یران 13, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مه‌سرور بارزانی:د ڤێ كابینا حوكمه‌تێ دا زێده‌تر ژ 50 قوتابخانێن نوو هاتینه‌ دروستكرن

مه‌سرور بارزانی:د ڤێ كابینا حوكمه‌تێ دا زێده‌تر ژ 50 قوتابخانێن نوو هاتینه‌ دروستكرن

ئه‌ڤرۆ نيوز:

سه‌رۆكێ حوكمه‌تا هه‌رێما كوردستانێ، مه‌سرور بارزانی، دوهی ئێكشه‌مبی 7 چریا دوویێ 2021 راگه‌هاند، هه‌تا نوكه‌ د ڤێ كابینا حوكمه‌تێ هه‌رێمێ دا زێده‌تر ژ 50 قوتابخانێن نوو یێن هاتینه‌ دروستكرن و بریار ل سه‌ر بودجا پێدڤی ژی هاتیه‌ دان بۆ دروستكرنا 23 قوتابخانێن دی.

مه‌سرور بارزانی، سه‌رۆكێ حوكمه‌تا هه‌رێما كوردستانێ ل ده‌مێ دانانا به‌رێ بنیاتێ قوتابخانه‌كا 18 رێزی ل گوندێ كۆرێ گۆت” به‌ری هه‌فتیه‌كێ، مخابن ژ ئه‌گه‌رێ بارانه‌كا زۆر، زیان ب ڤێ كۆمه‌لگه‌هێ كه‌فت، ده‌مێ هاتیم بۆ سه‌ره‌دانا وێ تشته‌كی گه‌له‌ك سه‌رنجا من راكێشا، ئێك ژ كورێن گه‌نج یێن ئاكنجیێن ڤێ كۆمه‌لگه‌هێ ل شوینا وێ چه‌ندێ داخوازا تشته‌كی بۆ خوه‌ بكه‌ت، گۆت مه‌ قوتابخانه‌ نینه‌، هه‌كه‌ دشیان دا بیت قوتابخانه‌كێ بۆمه‌ دروست بكه‌ن، وی ده‌می من سۆز دا ومن گۆت، ئه‌وا دشیانێن مه‌ دابیت بۆ هاریكاریا ئه‌وێن زیان گه‌هشتینێ، كه‌متر خه‌میێ ناكه‌ین، نوكه‌ ژی ئه‌م ل ڤێرێ نه‌ بۆ وێ چه‌ندێ سۆزا خوه‌ بجهبینین”.

زێده‌تر گۆت” كابینا نه‌هێ یا حوكمه‌تا هه‌رێما كوردستانێ زێده‌تر ژ 50 قوتابخانێن نوو ژلایێ وه‌زاره‌تا په‌روه‌ردێ دا كه‌فتینه‌ د خزمه‌تێ دا، كو 25 هزار قوتابیان دێ بخوه‌ڤه‌ گرن، ل گه‌ل وێ چه‌ندێ ژی بودجا پێدڤی ژی بریار ل سه‌ر هاتیه‌ دان بۆ دروستكرنا 23 باخچێن ساڤا و قوتابخانێن دی، كو هیڤیدارم ل سه‌رانسه‌ری هه‌رێما كوردستانێ و پارێزگه‌هان و ئیدارێن سه‌ربخوه‌ زوو بهێنه‌ تمامكرن”.

سه‌رۆكێ حوكمه‌تا هه‌رێمێ دیاكر ژی” نوكه‌ ئه‌م یێن نێزیك دبین ژ سالیادا وه‌غه‌ركرنا پارێزگه‌رێ خوه‌شتڤیێ مه‌ (فه‌رسه‌ت سۆفی) له‌وما داخوازێ ژ وه‌زیرێ په‌روه‌ردێ دكه‌م، كو ناڤێ كاك فه‌رسه‌تی دانیته‌ سه‌ر ئێك ژوان قوتابخانان”.

سه‌رۆكێ حوكمه‌تا هه‌رێمێ ئاماژه‌كر، ناڤكرنا قوتابخانه‌كێ ب ناڤێ پارێزگه‌رێ به‌رێ یێ هه‌ولێرێ، بۆ نیشادانا رێز و سوپاسیا وه‌لاتیانه‌ بۆ ئه‌و به‌رێزێ جوانه‌مه‌رگ، هه‌روه‌سا وه‌كو وه‌فاداریه‌ك بۆ وان كه‌سێن خزمه‌تا خه‌لكێ خوه‌ كری، نیشادده‌ین.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi