حوكمهتا عیراقێ بریارا ڤهگهراندنا خێزانێن داعشێ ژ سووریێ ههلوهشاند
ئهڤرۆ نيوز:
سهرۆكێ لژنا ههرێم و پارێزگههان ل جڤاتا نوونهرێن عیراقێ، شێروان دهبهردانی، راگههاند، حوكمهتا عیراقێ بریارا ڤهگهراندنا خێزان و زارۆكێن چهكدارێن داعشێ یێن عیراقی ژ كهمپا هۆل ل باژێرێ حهسهكه یێ سووری بۆ كهمپێن باشوورێ مووسلێ ههلوهشاند.
پهرلهمانتار شێروان دوبهردانی پێشتر ئاماژه ب مهترسیا ڤهگهراندنا وان ژن و زارۆكان كربوو و راگههاندبوو” مه ههموو بزاڤ كرینه بۆ رێگرتنێ ل ڤهگهراندنا وان، بهلێ بزاڤ د بێ ئهنجام بوون، دبیت ب ئهنقهست بزاڤا ڤهگهراندنا وان بۆ پارێزگهها نهینهوا دهێته كرن و ئارمانج ژێ زهمینه خوهشكرنا تولڤهكرنا خهلكێ مووسلێ یه ژوان ژ ئهگهرێ وێ چهندێ ل دهمێ داگیركرنا مووسلێ ژ سالا 2014 ههتا 2017، چهكدارێن داعشێ ستهمهكا مهزن ل خهلكێ مووسلێ كربوو”.
پێشتر حوكمهتا عیراقێ بزاڤا ڤهگهراندنا 100 خێزانێن داعشێ بۆ كهمپێن باشوورێ مووسلێ كربوو كو هژمارا وان نێزیكی 700 كهسان بوو.
تُتاح هذه الصورة أيضا في: کوردی