وه‌زيرێ كۆچ و كۆچبه‌ران به‌حسێ ب زۆرى ڤه‌گه‌راندنا په‌نابه‌رێن كورد و عێراقێ دكت
باسنيوز:
وەزیری کۆچ و کۆچبەرانی عێراقی لە یەکەم لێدوانیدا باسی پەنابەرانی وڵاتەکەی و هەرێمی کوردستان لە وڵاتانی رۆژئاوا دەکات.
ئەمڕۆ یەکشەممە 13-1-2019، نەوفەل بەها موسا، وەزیری نوێی کۆچ و کۆچبەرانی عێراق دەست بەکار بوو و لە یەکەم چالاکیشدا، سەرۆکایەتیی کۆبوونەوەیەکی وەزارەتەکەی کرد.
لە کۆبوونەوەکەدا، نەوفەل بەها موسا رایگەیاندووە، پێویستە ئاوارە عێراقییەکان، کە بەهۆی شەڕی دژی رێکخراوی تئرۆریستی داعشەوە ئاوارە بوون و زۆربەیان پەنایان بۆ هەرێمی کوردستان هێناوە، بگەڕێنەوە سەر ماڵ و حاڵی خۆیان و حکوومەت ئاسانکارییان بۆ بکات.
وەزیری کۆچ و کۆچبەران لەبارەی ”بەزۆر گەڕاندنەوە“ی پەنابەرانی عێراقی و کوردستانی لە وڵاتانی ئەوروپا و ئەمریکا، رایگەیاندووە، ”هەر گەڕاندنەوەیەکی بەزۆرەملێی پەنابەران رەت دەکەینەوە“.
نەوفەل بەها موسا ئاماژەی بە بارودۆخی ئاوارە عێراقییەکان، کە بەهۆی شەڕی داعش و شەڕی تائیفیی میلیشیاکانی عێراق کردووە و رایگەیاندووە، پێویستە داواکارییە سەرەکییەکانیان جێبەجێ بکرێت، کە گرنگترینیان دابینکردنی نەوت و خواردن و پێداویستییە سەرەتاییەکانی ژیانە.
رۆژی پێنجشەممە 10-1-2019، پەرلەمانی عێراق کۆ بووەوە و پەرلەمانتاران متمانەیان بە نەوفەل بەها موسا وەک وەزیری کۆچ و کۆچبەرانی عێراق بەخشی و سوێندی یاسایی خوارد.
تُتاح هذه الصورة أيضا في: کوردی
