دانوستاندنێن پێكئینانا حكومه‌تا هه‌رێمێ ب فه‌رمی ده‌ستپێكرن
WAAR-دهۆك:
مەکتەبێن سیاسی یێن پارتییا دیموکرات یا کوردستانێ و ئێکەتییا نشتیمانی ل ھەولێرێ د كۆمبوونێ دانه و پێکئینانا کابینەیا نوو یا حکومەتا ھەرێمێ و كاراكرنا سه‌رۆكاتییا هه‌رێمێ و ره‌وشا كه‌ركووكێ گۆتووبێژ دکەن.
په‌یامنێرێ وار ل هه‌ولێرێ راگه‌هاند؛ ئه‌ڤرۆ سعه‌ت 11ی سپێدێ، مەکتەبێن سیاسی یێن پارتی و ئێکەتیێ، ل ھەولێرێ کۆم بووینه و پێکئینانا کابینەیا نوو یا حکومەتا ھەرێما کوردستانێ و كاراكرنا سه‌رۆكاتییا هه‌رێمێ و رەوشا پارێزگەھا کەرکووکێ، هەروەسا کارێن بھێن یێن ھەردو ئالیان ل بەغدایێ گۆتووبێژ دکەن.
گۆت ژی: کۆمبوونا مەکتەبێن سیاسی یێن پارتی و ئێکەتیێ ل ئۆفیسا نێچیرڤان بارزانی، جێگرێ سەرۆکێ پارتییه و كۆمبوون ژی ب سه‌رپه‌رشتییا نێچیرڤان بارزانی و كوسره‌ت ره‌سوولی دهێته برێڤه‌برن.
پارتی وه‌كو سه‌ركه‌فتییا ئێكێ یا هه‌لبژارتنان و خودانا 45 كورسیێن په‌ڕله‌مانی، د داوی كۆمبوونا خوه دا، نێچیرڤان بارزانی بۆ پۆستێ سەرۆکاتییا ھەرێما کوردستانێ و مەسروور بارزانی، بۆ پێکئینانا کابینەیا نوو یا حکومەتا ھەرێما کوردستانێ به‌ربژار كرینە.
تُتاح هذه الصورة أيضا في: کوردی
