بارزانی: په‌یوه‌ندییێن هه‌رێم و ئه‌مریكا هاتن به‌حسكرن
WAAR-دهۆك:
وه‌زیرێ وزه‌یا ئه‌مریكا ئه‌ڤرۆ گه‌هشته هه‌رێما كوردستانێ و ل گه‌ل سه‌رۆك مه‌سعوود بارزانی كۆم بوو و بارزانی راگه‌هاند؛ په‌یوه‌ندییێن هه‌رێم و ئه‌مریكا هاتن به‌حسكرن.
ئه‌ڤرۆ ئێڤاری ریك پێڕی، وه‌زیرێ وزه‌یا ئه‌مریكا ب سه‌رۆكاتییا شانده‌كا بلند گه‌هشته هه‌رێما كوردستانێ و ل فرۆكه‌خانه‌یا هه‌ولێرێ ژ ئالیێ سه‌رۆك مه‌سعوود بارزانی ڤه هات پێشوازیكرن و پشتی كۆمبوونێ هه‌ردو ئالییان كۆنگره‌یه‌كێ رۆژنامه‌ڤانی سازكر و سه‌رۆك بارزانی، خوه‌شحالییا خوه ب سه‌ره‌دانا شاندا ئه‌مریكی نیشاندا و راگه‌هاند؛ د كۆمبوونێ دا په‌یوه‌ندییێن هه‌رێم و ئه‌مریكا هاتن به‌حسكرن.
وه‌زیرێ وزه‌یا ئه‌مریكا ژی راگه‌هاند؛ رێككه‌فتنێن هه‌ولێر و به‌غدایێ گرنگن و دێ ل گه‌ل حكومه‌تا هه‌رێمێ ل سه‌ر سه‌قامگیرییا كوردستانێ كاركه‌ن.
گۆت ژی: ئه‌مریكا چاڤه‌رێی هه‌ڤكارییا پاشه‌رۆژێی ل گه‌ل كوردستانێ و سوپاسییا قۆربانیێن سالێن بووری یێن گه‌لێ كوردستانێ كر.
تُتاح هذه الصورة أيضا في: کوردی
