نێچیرڤان بارزانی و بالیۆزێ بریتانیا یێ ئیراقێ كۆم بوون
WAAR-دهۆك:
بالیۆزێ بریتانییا ل ئیراقێ، د گه‌ل سه‌رۆكێ حكومه‌تا هه‌رێما كوردستانێ كۆم بوو و پشته‌ڤانییا وه‌لاتێ خوه بۆ هه‌رێما كوردستانێ دوپات كر.
نێچیرڤان بارزانی سه‌رۆكوه‌زیرێ هه‌رێما كوردستانێ، ئه‌ڤرۆ سپێدێ ل هه‌ولێرێ، پێشوازی ل جۆن وێلكس بالیۆزێ بریتانیا یێ ئیراقێ و شانده‌كا دپلۆماسی یا وی وه‌لاتی كر و به‌رده‌وامییا پشته‌ڤانییا بریتانییا بۆ حكومه‌تا هه‌رێمێ دوپاتكر.
هه‌روه‌سا بالیۆزێ بریتانییا پشته‌ڤانییا وه‌لاتێ خوه بۆ دانوستاندنێن هه‌ولێر و به‌غدایێ راگه‌هاند و چاكسازییێن حكومه‌تا هه‌رێمێ د وارێن جودا دا بلند نرخاندن.
سه‌رۆكوه‌زیر نێچیرڤان بارزانی ژی، سوپاسییا هه‌لوه‌ست و پشته‌ڤانییا حكومه‌تا بریتانییا كر و دوپاتی ل پرۆگرامێ حكومه‌تێ یێ پرۆسه‌یا چاكسازیێ دا كر.
تُتاح هذه الصورة أيضا في: کوردی
