دهۆك.. داخوازا ڤه‌كرنا رێڤه‌به‌ریه‌كا پاسپۆرتێ بۆ ئاواره‌یان تێ كرن
باسنيوز:
پارێزگارێ دهۆكێ پێشوازیێ ل رێڤه‌به‌رێ‌گشتی یێ‌پاسپۆرتا حكومه‌تا عیراقا فیدرال دكه‌ت و د وێ دیدارێ دا داخوازا ڤه‌كرنا رێڤه‌به‌ریه‌كا پاسپۆرتێ بۆ ئاواره‌یان تێ كرن.
ئه‌ڤرو سپێدێ7-7-2018 فه‌رهاد ئه‌مین ئه‌ترۆشی، پارێزگه‌رێ‌دهوكێ، پێشوازیا عه‌مید (ئه‌حمه‌د عه‌بدولستار) و شاندێ‌دگه‌لدا كر و د هه‌ڤدیتنه‌كێدا ب ئاماده‌بوونا عه‌قید (نایف ئه‌حمه‌د) رێڤه‌به‌رێ‌پاسپۆرتێ ل پارێزگه‌ها دهوكێ‌به‌حسێ‌ره‌وشا فه‌رمانگه‌هێن ده‌رئێخستنا پاسپۆرتێ ل پارێزگه‌هێن هه‌رێما كوردستانێ‌و ل عیراقێ‌و ل ده‌رڤه‌ی وه‌لاتی و سه‌ره‌ده‌ریا رۆژانه یا وان فه‌رمانگه‌هان دگه‌ل وه‌لاتییان هاته كرن.
هه‌ر د ڤێ هه‌ڤدیتنێ دا پارێزگه‌رێ‌دهوكێ‌پێشنیار كر كو رێڤه‌به‌ریه‌كا دی بۆ ده‌رئێخستنا پاسپۆرتێ ل جهه‌كێ‌گونجای بهێته دانان بۆ خزمه‌تكرنا خه‌لكێ‌ئاواره و خوجهێن زاخۆ وسێمێلێ‌و شنگالێ‌بۆ وێ‌یه‌كێ‌فشار ل سه‌ر رێڤه‌به‌ریا پاسپۆرتا دهۆكێ‌بهێته كێمكرن و خزمه‌تا وه‌لاتییان باشتر و ب ساناهیتر بهێته كرن.
ل گۆره‌ى ئامارێن گشتی، رۆژانه‌نێزیكى 17 هزار پاسه‌پۆرت ل (53) بنگه‌هێن ده‌رئێخستنا پاسپۆرت ل هه‌رێما كوردستانێ‌و ل عیراقێ‌و ل بالیۆزخانێن عیراقێ‌ل ده‌رڤه‌ی وه‌لاتی دهێنه ده‌رئێخستن.
تُتاح هذه الصورة أيضا في: کوردی
