سوپایێ توركیا عه‌فرین ب ته‌مامی كۆنترۆل كر
WAAR-دهۆك:
باژاڕێ عه‌فرینێ ئه‌ڤرۆ پشتی پێنجی و هه‌شت رۆژێن به‌رگریێ كه‌فته د ده‌ست سوپایێ توركیا دا و سوپایێ ئازادێ سووریێ، ئالایێ توركیا ژی ل ناڤه‌ندا ئه‌وێ هه‌رێما رۆژئاڤایێ كوردستانێ هات هه‌لدان.
سوپایێ توركیا و سۆپایێ ئازادێ سووریێ ئه‌ڤرۆ شیان بچنه د ناڤه‌ندا عه‌فرینێ دا، پشتی شه‌ڕ و په‌ڤچوونێن دژوار ژی شیان هه‌موو باژاری كۆنترۆل بكه‌ن و د ئێكه‌م گاڤ دا، ئالایێ توركیا ل ناڤه‌ندا باژێری هات هه‌لدان.
هه‌روه‌سا په‌یكه‌رێ كاوه‌یێ ئاسنگه‌ر كو ب یه‌ك ژ هێمایێن باژێرێ عه‌فرینێ دهات هه‌ژمارتن، ب شه‌فه‌لان هات ژناڤبرن.
سوپایێ ئازادیێ سووریێ ئه‌ڤرۆ سپێدێ شیا ژ تاخێن رۆژهه‌لات ده‌رباز عه‌فرینێ ببیت و راگه‌هاند؛ شه‌ڕڤانێن هه‌سه‌دێ پاشڤه‌كێشان كربوو.
هێرشا سه‌ر عه‌فرینێ ئه‌ڤرۆ بۆ رۆژا پێنجی و هه‌شتێ یا به‌رده‌وام بوو، سوپایێ توركیا و سوپایێ ئازادێ سووریێ ل بیستی كانوونا دوێ یا ئه‌ڤساله ب ناڤێ چه‌قێ زه‌یتوونێ ب هه‌ردو رێكێن ئاسمانی و زه‌مینی ده‌ست پێ كربوو، توركیا ژی ئه‌ڤرۆ راگه‌هاندییه؛ ئۆپه‌راسیۆن ب گرتنا عه‌فرینێ ب داوی ناهێت.
تُتاح هذه الصورة أيضا في: کوردی
