دیالا.. گه‌نجه‌ك ژ ئه‌گه‌رێ گه‌رمێ جانێ خوه ژ ده‌ست دایه
WAAR-دهۆك:
ب ئه‌گه‌رێ بلندبوونا پلا گه‌رمێ ل پارێزگه‌ها دیالا ئه‌ڤرۆ سێ شه‌مبی گه‌نجه‌كی جانێ خوه ژ ده‌ست دایه.
ئه‌حمه‌د زه‌ركۆشی رێڤه‌به‌رێ ناوچه‌دارییا سه‌عدییه یا سه‌ر ب ده‌ڤه‌رداریا خانه‌قین ڤه راگه‌هاند؛ گه‌نجه‌كێ د ته‌مه‌نه‌كێ ناڤنجی دا كرێكاری ل كۆمه‌لگه‌ها حمرین ل وێ ناوچه‌داریێ باكۆرێ رۆژهه‌لاتا دیالا دكر، ژ ئه‌گه‌رێ بلندبوونا پلا گه‌رمێ جانێ خوه ژ ده‌ست دایه.
خویا ژی كر، كرێكارێن ل گه‌ل وى كار دكر بزاڤ كر بگه‌هیننه نه‌خۆشخانێ، لێ ب رێكێ ڤه تمام بوویه و پاشی ته‌رمێ وى بۆ پزیشكییا داد هاته ره‌وانه‌كرن.
پلێن گه‌رمێ ئه‌ڤ ساله ل ئیراقێ زێده بلند بووینه كو د سالێن بۆری دا ب ڤى ئاوایی بلند نه‌بووینه.
تُتاح هذه الصورة أيضا في: کوردی
