قاسم شه‌شۆ: تا نها 800 چه‌كدارێن په‌كه‌كێ گه‌هشتینه ناڤ رێزێن پێشمه‌رگه‌ی
WAAR-دهۆک:
فه‌رماندارێ فه‌رمانده‌یا شنگالێ راگه‌هاند؛ پشتی بۆمبه‌بارانا فرۆكه‌یێن توركیا ل شنگالێ، ئێدی چه‌كدارێن په‌كه‌كێ په‌یوه‌ندییێ ب هێزێن پێشمه‌رگه‌ی دكه‌ن و تا نها 800 چه‌كدار گه‌هشتینه ناڤ رێزێن پێشمه‌رگه‌ی.
قاسم شه‌شۆ فه‌رماندارێ فه‌رمانده‌یا شنگالێ گۆت: پشتی بۆمبه‌بارانكرنا باره‌گه‌هێن په‌كه‌كێ ژ ئالیێ فرۆكه‌یێن توركیا ڤه، ئێدی مۆرالا چه‌كدارێن په‌كه‌كێ ل شنگالێ گه‌له‌ك لاوازبوویه و رۆژانه ده‌ستان ژ چه‌ك و سیاسه‌تێن په‌كه‌كێ به‌ردده‌ن و دگه‌هنه ناڤا رێزێن پێشمه‌رگه‌ی و ژبلی چه‌كدارێن ئێزدی، چه‌كدارێن خه‌لكێن باكۆر و رۆژئاڤایێ كوردستانێ ژی، ئێدی ژ ناڤا رێزێن په‌كه‌كێ ده‌ردكه‌ڤن و په‌یوه‌ندیێ ب پێشمه‌رگه‌ی دكه‌ن.
گۆت ژی: رۆژانه ژماره‌یكا مه‌زنا چه‌كداران دهێنه ئالیێ پێشمه‌رگه‌ی و ناڤێن خوه دناڤا رێزێن پیشمه‌رگه‌ی دا تۆماردكه‌ن و تا نها 800 چه‌كدارێن په‌كه‌كێ هاتینه و چاڤه‌رێیه د چه‌ند رۆژێن بهێت دا، ئه‌و ژماره هه‌ر ئێكجار بلند ببیت.
دا زانین ژی: په‌كه‌كێ خوه ل شنگال و ده‌ردوورا وێ سه‌پاندییه و پترییا ئه‌و چه‌كدارێن رێزێن وێ ژی بجهـ دهێلن، ئه‌و بووینه یێن به‌ریا نها په‌كه‌كێ ب زووری چه‌كدار كرین.
تُتاح هذه الصورة أيضا في: کوردی
