مه‌سروور بارزانی: ل دۆر هێرشا شنگالێ مه داخوازا روونكرنان ژ توركیا كرییه
WAAR-دهۆک:
شیره‌تكارێ جڤاتا ئاسایشا هه‌رێما كوردستانێ راگه‌هاند؛ هێرشا توركیا بۆ سه‌ر هێزێن پێشمه‌رگه‌ی یا نه‌چاڤه‌رێكری بوو و ل دۆر هێرشێ، وان داخوازا رۆنكرنان ژ توركیا كرییه.
مه‌سروور بارزانی شیره‌تكارێ جڤاتا ئاسایشا هه‌رێمێ، بۆ رۆژنامه‌یا نیویۆرك تایمزا ئه‌مریكی گۆت: بۆمبه‌بارانێن توركیا ل شنگالێ، یا نه چاڤه‌رێكری بوو، ژبه‌ركو پێشتر توركیا هێرشی ده‌ڤه‌رێن سنۆری د كر، لێ نها ده‌ست ب هێرشكرنا سه‌ر شنگالێ كرییه و مخابن ژماره‌یه‌كا پێشمه‌رگه‌یان ژی د هێرشێ دا بوونه قۆربانی.
گۆت ژی: ل دۆر هێرشێ وان داخوازا رۆنكرنان ژ حكومه‌تا توركیا كرییه و تا نها به‌رسڤا وان نه‌هاتییه دان، لێ ئه‌و هیڤی خوازن كو توركیا ب شاشی ئه‌و هێرشه كربیت.
ئه‌ڤه د ده‌مه‌كی دایه فرۆكه‌یێن شه‌ڕكه‌رێن توركیا، سپێده‌هییا دوهی بۆمبه‌بارانا جهێن په‌كه‌كێ ل شنگالێ كربوون و باره‌گه‌هه‌كێ هێزێن پێشمه‌رگه‌ی ژی به‌ر ب بۆمبه‌بارانێ كه‌فتبوو و د ئه‌نجام دا، 5 پێشمه‌رگه شه‌هیدبوون و 9 ژی بریندارببوون.
تُتاح هذه الصورة أيضا في: کوردی
