حکومەتا ھەرێمێ هنارتنا ملیۆنه‌ك و سێسه‌د هزار به‌رمیلێن په‌ترۆلێ ره‌تدكه‌ت
waar-دهۆك:
پەیڤدارێ حکومەتا ھەرێما کوردستانێ داخۆیانیێن ھەژمارەکا پەرلەمانتارێن کورد ل ئیراقێ سەبارەت قەبارەیێ ھنارتنا پەترۆلا ھەرێمێ رەتکرن.
سەفین دزەیی پەیڤدارێ حکومەتا ھەرێمێ راگەھاند؛ ھەژمارەکا پەڕلەمانتارێن کورد ل جڤاتا نوونەران راگەھاندییە، کو د کۆمبوونەکێ دا دگەل حەیدەر عەبادی سەرۆکوەزیرێن ئیراقێ دا گۆتییە: حکومەتا ھەرێمێ رۆژانە ملیۆنەک و سێسەد ھزار بەرمیلێن پەترۆلێ دھنێریتە دەرڤە.
ل ھەمبەر دا پەیڤدارێ حکومەتا ھەرێمێ ئەو داخۆیانییە رەتکرن و گۆت: نە ب فەرمی و نە ژی ب نەفەرمی وان ژ عەبادی ئەو جورە ئاخفتنە گولێ نەبووینە، دوپاتکر کو رێژەیا دروستا ھنارتنێ ئەو ھەژمارەنە یێن وەزارەتا سامانێن سروشتی د راپۆرتا خوە دا بەلاڤ دکەت و ھەمان ئەو ژمارەنە یێن ژ کۆمپانیێن پەرھەمئینانا پەترۆلێ دھێن وەرگرتن.
دزەیی گۆت ژی: ئەو پەرلەمانتارە بلا بێژن بووینە پەیڤدارێ عەبادی، باشترە ژ وان داخۆیانیێن بێ بنەما و بێ سەروبەرێن ب ڤی شێوەی ددەن.
تُتاح هذه الصورة أيضا في: کوردی
