ئەندامەکێ سەرکرداتییا پارتی:دەولەتا کوردستانێ ب رێڤە یە
waar – دهۆك :
ئەندامەکێ سەرکرداتییا پارتییا دیموکرات یا کوردستانێ راگەھاند؛ دەولەتا کوردستانێ ب رێڤە یە و دوپات کر چ ده‌مان کوردستان پشکەک نەبوویە ژ ئیراقێ تا ژێ ڤەببیت.
ھێمن ھەورامی بەرپرسێ پەیوەندیێن دەرڤە یێن پارتییا دیموکرات یا کوردستانێ بۆ کۆڤارا سەوتول ئۆمە یا مسری گۆت: ئەمریکا و رۆژئاڤا گلۆپا کەسک ھەلنەکرییە سەرخوەبوون بھێت راگەھاندن، لێ نەگۆتیە ژی ھێلا سۆرە.
ھەورامی گۆت ژی؛ راگەھاندنا دەولەتا کوردستانێ گەلەک نێزیک بوویە، لێ پێدڤییە سەرخوەبوون ب دانوستاندن د گەل حکومەتا ئیراقێ دا بیت، خویا ژی کر؛ ھەرێما کوردستانێ دێ بیت دەولەت، ژ بەر کو کورد ناخوازن ببن پشکەک ژ وێ رەوشا خراب یا ل بەغدایێ.
تُتاح هذه الصورة أيضا في: کوردی
