كوێت دێ ژماره‌كا قوتابخانان ل هه‌رێما كوردستانێ ئاڤا كه‌ت
ئه‌ڤرۆ نیوز:
پشتیوان سادق وه‌زیرێ په‌روه‌ردێ ل حوكمه‌تا هه‌رێما كوردستانێ د كونفرانسێ قه‌یرانا ئاواره و په‌نابه‌ران دا ل دهۆك راگه‌هاند كو 179 هزار قوتابیێن ئاواره ل دهۆكێ هه‌نه و هنده‌ك ژ به‌ر فاكته‌رێن ئابووری و جڤاكی و ژیێ خوه ژ خواندنێ هاتینه دابڕین و بزاڤێن ڤه‌گه‌ریانێ بۆ پرۆسا خواندنێ دده‌ن.
گۆتژی وه‌زاره‌تا په‌روه‌ردێ بزاڤێن به‌رده‌وام دكه‌ت كو كه‌رستێن خواندنێ بۆ زارۆیێن ئاواره دابین بكه‌ت ژ وان ژی كتێب و ته‌خته ره‌ش و ئاڤاهیێ قوتابخانێ و ل گه‌ل رێكخراوان بزاڤێن خواندنێ بۆ ئاواران دابین دكه‌ت.
وه‌زیرێ په‌روه‌ردێ به‌حس ل نووژه‌نكرنا قوتابخانان كر و ب تایبه‌ت ئه‌وێن ل پارێزگه‌ها دهۆكێ و ئاواره تێدا هاتینه بنه‌جهكرن كو ب گۆره‌ی گۆتنێن وی 100 ئاڤاهیێن قوتابخانا ل هه‌رێما كوردستانێ بۆ زارۆیێن ئاواران هاتینه ته‌رخانكرن د ده‌مه‌كی دا كو د سێ سالێن بۆری دا نه‌شیاینه ئاڤاهیێن قوتابخانان دروست بكه‌ن و گۆت: “وه‌لاتێ كوێتێ سۆز دایه هنده‌ك ئاڤاهیێن قوتابخانان ل هه‌رێما كوردستانێ دروست بكه‌ت”.
تُتاح هذه الصورة أيضا في: کوردی
