ئەردۆگان بریارا گرتنا پتر ژ هزار خاندنگەهێن وەلاتێ خوە دەرکر
ئێن ئارتى
سەرۆک کۆمارێ تورکیا بریار دا ب گرتنا ١٠٤٣ خاندنگەهان ل وەلاتێ خوە و دەمێ رێ پێ هاتیە دان یێ دەستەسەرکرنا گومانلێکریان ژی درێژکر.
رەجەب تەیب ئەردوگان پشتی راگەهاندنا رەوشا ئاوارتە ئەو بریار دەرکریە داکو رێکێ بدەتە دەستهەڵاتا دادوەری بلەز ئالیگرێن هەولا کودەتایا شکەسخاری دەستەسەر بکەن.
لگۆری بریارەکا ئەردۆگان هزار و ٤٣ خاندنگەهێن تایبەت و هزار و ٢٢٩ کۆمەلە و دەزگەهێن خێرخوازی و ١٩ سەندیکایێن کرێکاری و ١٥ زانکۆ و ٣٥ دەزگەهێن ساخلەمیێ دێ هێنە گرتن.
بەرپرسێن تورکیا دبێژن ئەو خاندنگەهـ و دەزگەهێن خێرخازی کو بریارا گرتنا وان هاتیە دان سەر ب فەتحوڵا گولەنن کو ژلایێ ئەردۆگان ڤە ب دارێتنا پلانا کودەتایا سەربازی هاتیە توهمەتبار کرن.
هەیا نها چەند جارەکان تورکیا داخاز ژ ئەمریکا کریە فەتحوڵا گولەن ڕادەست بکەت و د دوماهیک داخویانیی ژی دا ئەردۆگان راگەهاند، ئەگەر ئەمریکا فەتحوڵا گولەن رادەستی وان نەکەت شاشیەکا مەزنە.
تُتاح هذه الصورة أيضا في: کوردی
