نیشانێن کێمبوونا کالسیومی د خوینێ دا و چارەسەری
نوش نيوز:
نەخوشیا کێم بوونا کالسیومی دھێتە نیاسین ب نزم بوونا رێژا کالسیومێ پێدڤی د خوینێ دا. ھەبوونا ڤێ نەخوشیێ بۆ ماوەکێ درێژ و بێ چارەسەری مەترسیەکا مەزن ل سەر ژیانا مروڤی پەیدا دکەت، چونکە کارتێکرنەکا مەزن ل سەر ددانا و مێشکی و ھەستیکان دکەت.
ژ گرنگترین نیشانێن پەیدا دبن:
١. ئاریشە د ماسکولکان دا
ئێشانا ماسولکا ژ نیشانێن دەست پێکی یێن کێم بوونا کالسیومی نە، مرۆڤ ھەست ب ئازارێ د کەت ل ملان، ران و بن ملا ب تایبەتی ل دەمێ رێڤەچوونێ. دیسان دبیتە ئەگەرێ سربوونێ د دەست و پێ و باسکا و چووکان و دەوروبەرێن دەڤی.
٢ وەستیانا زێدە
کێم بوونا ئاستێ کالسیومی دبیت ببیتە ئەگەرێ بێ خەوی یێ یان خەوا زێدە، گێژبوون و دیتنەکا لاواز. دیسان دبیت ھندەک نیشانێن دی ل دەڤ وی کەسی دیارببن وەک:
_ بێ ھێزی
_ کێم بوونا وزێ
_ ھەست کرن ب تەمبەلی یێ
٣. گوھورین د پیست و نینوکان دا
پیست دێ ھشک و تووشی خوریانێ بیت، زانایان دیارکریە کو کێم بوونا کالسیومی د خوینێ دا و پەیدابوونا نەخوشیا بیروڤێ و سەدەفێ پەیوەندی پێکڤە ھەیە.
دیسان دبیتە ئەگەرێ ھشک بوون و وەریان و شکەستنا نینوکا، ھەروەسا پەیوەندی ب وەریانا پرچێ ب شێوەکێ زێدە ژی ھەیە.
Image result for calcium deficiency
٤. پیتی بوونا ھەستیان
پەیدابوونا حالەتێ (ئوستیوپینیا) کو دبیتە ئەگەرێ کێم بوونا چری یا کانزا یا د ھەستیکان دا کو پیتی بوونا ھەستی یا ب دویڤ دا دھێت، کو ھەستی نازک دبن و ساناھی دبن بۆ شکەستنێ.
٥. ئاریشەیێن دەڤ و ددانا
دەمێ کالسیوم د لاشی دا کێم دبیت، دبیتە ئەگەرێ پیچ بوونا ددانا و لاواز بوونا پیدیا. دیسان ل دەف زاروکێن ساڤا دبیتە ئەگەرێ درەنگ ھاتنا ددانان.
Image result for calcium deficiency
٦. بێزاربوون
نە رێک و پێکی یا ھەوەسی ژی پەیوەندی ب کێمیا کالسیومی ھەیە، ھەرچەندە گەلەک بەلگێن ب ھێز نینن بۆ دوپات کرنا ڤێ چەندێ، لێ ھەردەمێ نیشانێن بێزاریێ پەیدابوون پێدڤی یە ل دویڤ چارەسەریێ بگەری.
چارەسەری و خۆ پاراستن
باشترین و ساناھی ترین رێک بۆ کونترول کرن و خوپاراستنا ژ کێم بوونا کالسیومی، زێدە کرنا خوارنێن دەولەمەند ب کالسیومی یە.
ھندەک ژ خوارنێن زەنگین ب کالسیومی:
_ سپیاتی وەک، شیر، پەنیر و ماست.
_ ھژیر
_ بروکولی
_ فاسولیا (باقلک)
_ سپیناخ
_ چەرەزات و گویز و باھیڤ
_ دانەوێلە (گەنم)
_ فێقى و زەرزەوات
تُتاح هذه الصورة أيضا في: کوردی
