فەیسبووک دێ تایبەتمەندیەکا نوی زێدە بکەت
ئێن ئارتى
تۆرا کۆمەلایەتی یا فەیسبووکێ دێ تایبەتمەندیەکا نوی کو پێک تێ ژ داخوازکرنا ئالیکاریا دارایی ژلایێ هەڤالێن خوە ڤە بۆ رویبریبوونا رەوشەکا ئالۆز یا دەمکی زێدە بکەت.
تۆرا کۆمەلایەتی یا فەیسبووکێ نویترین تایبەتمەندیا نوی زێدەکر کو ئەو ژی پێک تێ ژ وێ ئێکێ کو رێکێ ددەت هەیا کو بکارهێنەر د دەمێ پێدڤی دا داخوازا ئالیکاریێ یان ژی ئالیکاریا دارایی ژ هەڤالێن خوە بکەت.
لگۆری نووچەیەکێ مالپەرێ (سی بی ئێس نیوز)، ئەڤ تایبەتمەندیا نوی یا فەیسبووکێ رێکێ د دەتە بکارهێنەران داکو سندوقەکا ئالیکاریان دروست بکەن و هەڤالێن خوە بانگهێشتی بەشداریکرنێ بکەن بۆ وی کاری، ئەڤ تایبەتمەندیا نوی ژی ب ئاوایەکێ سندقەکا تایبەت دبت و بڤان نێزیکان ژی دێ فەیسبووک بۆ بکارهێنەرێن خوە زێدە بکەت.
ئارمانج ژ ڤێ تایبەتمەندیا نوی داخوازکرنا پارەیە بۆ پشتەڤانیکرنا شەش جۆرێن تایبەت کو پێک تێ ژ “خواندن، چارەسەری، چارەسەریا ئاژەلێن مالی، نەشتەرگەیێن ڤێرتەرنەری، لهەوارهاتن د دەمێ کارەساتەکێ دا وەکی رویدانا سرۆشتی، دگەل رەوشا بلەزا کەسایەتیێ تایبەت وەکی دزیکرنا ترۆمبێلان یان ژی تێچوونا مریان”.
وی مالپەری ئاماژە ب وێ ئیکێ ژی کریە، دەمێ کەسەک داخوازا کۆمکرنا ئالیکاریێ دکەت فەیسبووک دێ رابیت ب پشکنینێ لسەر ئەگەرێ وێ داخوازکرنێ کو وی کاری ژی نێزیکی ٢٤ دەمژمێران دڤێت بەریا کو دەست ب وێ ئالیکاریێ بێتە کرن.
ئاماژە ب وێ ئێکێ ژی کریە، کو ل دەسپێکێ فەیسبووک دێ ل وەلاتێ ئەمریکا ڤێ تایبەتمەندیا نوی کارا بکەت و پشترا بسەر وەلاتێن جیهانی دا.
تُتاح هذه الصورة أيضا في: کوردی
