داب و نەریتێن ئێزدیێن ئەرمه‌نستانێ دسميناره‌كێ دا ل شاريا هاتنه به‌حسكرن
تۆرا لالش:
ل رۆژا سێ شەمبوویێ 4/7/2023،بنگەهێ لالش تایێ شاریا ب هەماهەنگی دگەل رێکخراوە نوپێل ، سمینارەک بۆ نڤیسەر و رەوشه‌نبێری ئێزدیێ ئەرمه‌نستانێ ( تیتالێ کەرەم ) ڤە هاتە ئەنجامدان ب ئامادەبوونا هژمارەکا رەوشه‌نبێر و مامۆستا و خەلکێ دەڤەرێ .
ل دەستپێکێ به‌رپرسێ بنگەهێ لالش تایێ شاریا دلگەش سه‌لیم بخێرهاتنا ئامادەبوویان کر، پاشان کورتیەک دا ژیانا نڤیسەری،پاشى سمینار ژلایێ نڤیسەر و رەوشه‌نبر تیتالێ کەرەم ڤە هاتە پێشکێشکرن.
پاشان دەرگەهێ دان و ستاندنێ بۆ ئامادەبوویان هاتە ڤەکرن و چەندین پرس دەربارەی ژیانا کورده‌واری و داب ونەریتێن کۆمەلایەتی و ئولی و سیاسی و ئابوری ژ نڤیسەری هاتن کرن.
ژ ئالیێ خۆڤە نڤیسەری ب تێر و تەسەلی بەرسڤا پرسێن ئامادەبویان دا و باس ل ژیانا خەلکێ ئەرمه‌نستانێ کر و هژمارە خەلکێ وێ دا دیارکرن و کا خەلکێ وێدەر چاوا ژیانا خۆ دەرباس دکەت و داب و نەریت و پرۆسەیا هەڤژینیێ باس لێ هاتە کرن .
تُتاح هذه الصورة أيضا في: کوردی
