ئایار 20, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پەیاما سالڤەگەڕا دامەزراندنا بنگەهێ لالش یێ ڕەوشەنبیری و کۆمەلایەتی

پەیاما سالڤەگەڕا دامەزراندنا بنگەهێ لالش یێ ڕەوشەنبیری و کۆمەلایەتی

ب هەلکەڤتا ٣٠ سالییا دامەزراندنا بنگەهێ لالش یێ ڕەوشەنبیری و کۆمەلایەتی، گەرمترین پیرۆزباهییان ئاراستەیی سەرۆک و جێگر و دەستەیا بلند و تایی و نڤیسینگەهـ و تەڤایا ئەندامێن بنگەهێ لالش دکەین.
دامەزراندنا بنگەهێ لالش ل ڕۆژا ١٢/٥/١٩٩٣ـێ وەرچەرخانەیەکا دیرۆکی بوو د بزاڤا ساخكرنا كەلتوورێ کورداتییێ یێ ڕەسەن و یەک ژ بەرهەمێن خوینا هەزاران شەهیدان بوو.
هەر ژ ڕۆژا بنگەهێ لالش هاتییە دامەزراندن ل ژێر درووشمەکی پیرۆز کو (لالش کانییەکا زەلالە د هورتە ڕووبارێ ڕەوشەنبیریا کوردیدا) کار کرییە ژ پێناڤ پاراستنا چاند و کەلتوور و نیاسینا ئێزدییان ب جیهانێ، ب ئاوایەکێ ئاکادیمی و زانستی.
بنگەهێ لالش، خودان دیرۆکەکا پڕی زەنگینە، کۆمەکا ڕەوشەنبیر و کەساتییێن ئێزدی د دەمێن نەخوەشدا ملێ خوە داینە بەر ئەڤی باری ژ بۆ دۆماندنا ئەڤی بنگەهی و د دیرۆکا خوەدا ١٤ کۆنگرەیێن دیمۆکراسی ل دارخستینە و دوماهیک کۆنگرە ژی ل ٤/٨/٢٠٢٢ کۆنگرەیێ خوە یێ چاردێ ل دارخستیە. ب خوین و ستراتیژیەکا نوییا کارکرنێ کەفتە د قادا ڕەوشەنبیریدا و ل سەر بیروباوەرێن وان کەسێن خزمەتا ئەڤی بنگەهی کرین.
بنگەهێ لالش، ب پشتەڤانییا حکومەتا هەرێما کوردستانێ کاروانێ خەباتا ڕەوشەنبیری و جڤاکی بەردەوام کرییە و باوەری ب بەلاڤکرنا گیانێ ب هەڤڕاژیان و لێبوورینێ و ئاشتیا جڤاکی و پاراستن و سەرفەرازییا ئێزدیخانەیێ د هوندری کوردستانێدا هەیە و کار دکەت کو هەموو پێکهاتە ب ئاشتی و سەرفەرازی بژین و هەردەم ئەهلێ خێرێ بووییە د ناڤ ئێزدییاندا.

سلاڤان دهنێرین بۆ وان قەهرەمانان یێن گیانێ خوە کرینە قوربان ژ پێخەمەت قوربانیکرنا ئەڤێ ئاخێ و ب دەستڤەئینان و پاراستنا ڤان دەستکەفتان.
هەر د ئەڤێ سالڤەگەڕێدا ژ خودێ دخوازین دایک و خووشکێن مە یێن د دەستێ داعشدا ڕزگار ببن و شنگال ئارام و ئاڤەدان بت و ڕێککەڤتنا د ناڤبەرا حکومەتا هەولێر و بەغدایێدا بهێتە جێبەجێکرن و جڤاکێ ناڤدەولەتی ئاوڕەکا جددی ل ئێزدیان ب گشتی و شنگال ب تایبەتی بدەت.
سلاڤ و ڕێز ژ بۆ جانێ وان ستوونێن ئاڤاکرنا ئەڤی بنگەهی یێن بەرەڤ جیهانا نەمرییێ ئۆغرا خوە ب خێرکرین.

بنگەهێ لالش یێ ڕەوشەنبیری و کۆمەلایەتی

١٢/٥/٢٠٢٣ دهۆک

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi