ئایار 21, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بەرپرسێ بنگەهێ لالش تايێ شاریا:هەر خێزانەکا ئاوارەیێن سنوونێ “440 هه‌زار دینار” وەرگرتن

بەرپرسێ بنگەهێ لالش تايێ شاریا:هەر خێزانەکا ئاوارەیێن سنوونێ “440 هه‌زار دینار” وەرگرتن
تۆرا لالش:
ل بنگەهێ لالش تایێ شاریایێ ئەو خێزانێن ژبەر شەرێ یەبەشێ و سۆپایێ عیراقێ ل ناحیا سنونێ نوو ئاوارەیی هەرێما کوردستانێ بووین، لناڤا چەندین کەمپێن جوودا خوەجهـ بوون، پتری 100 خێزان ژ وان د نوکەدا ل کۆمەلگەها شاریایێ دمینن و بەردەوام هاریکاری بسەر واندە دهێنە دابەشکرن.

دلگەش سەلیم بەرپرسێ بنگەهێ لالش ل شاریایێ ژبۆ ئاژانسا خانی گۆت، دگەل هاتنا وان خێزانێن دووبارە ئاوارەبووینە پارێزگەها دهۆکێ و ب تایبەتی ژی کۆمەلگەها شاریایێ، ل دەستپێکێ ناڤێن وان خێزانا ل دەڤ خوە تۆمارکرن و هەر زوو هەر تشتەکی پێدڤی ژبۆ وان هاتنە دابینکرن و ئەو د بەردەوامن ل سەر درێژکرنا دەستێ هاریکارییێ ب سەر ڤان خێزانێن دووبارە مالێن خوە هێلاین.

پتر گۆت، هەر خێزانەکا نوو ئاوارەی کۆمەلگەها شاریایێ بووی ژ ئالییێ خاچا سۆر و رێکخراوا JRS و ب هەڤکارییا بنگەهێ لالش تایێ شاریایێ 440 هزار دینار وەرگرتن و ژمارا وان خێزانان پتری 100خێزانی بوو.

ژبەر شەرێ هێزێن یەبەشێ و سۆپایێ عیراقێ و ب تایبەتی لناحیا سنونێ و کۆمەلگەها دوگورێ نێزیکی دوو هەزار خێزان دووبارە ئاوارەبوون و دنوکەدا ئەو هاتینە دابەشکرن ل سەر کەمپێن سنۆرێ پارێزگەها دهۆکێ و ل ناڤا کاڤلاندا دمینن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi