بنگەهێ لالش: چارەنڤیسێ شنگال دئێتە ئێكلایكرن
باسنيوز:
بەرپرسێ بنگەهێ لالش یێ رەوشەنبیری و جڤاكی ل سنوونێ ل قەزا شنگال دیاركركو ئێكلایكرنا چارەنڤیسێ شنگال زۆر یا گرنگە كو رێكەڤتنا دناڤبەرا حكومەتا هەرێما كوردستانێ و عێراقێ دا ئەم دبینن گەلەك باشە دێ چارەنڤیسێ شنگال پێ هێتە ئێكلایكرن.
د. سلێمان فانۆ، بەرپرسێ بنگەهێ لالش یێ رەوشەنبیری و جڤاكی ل سنوونێ ل قەزا شنگال بۆ (باسنیوز) راگەهاند كو: “ئەم دبینن چارەنڤیسێ شنگال دهێتە ئێكلایكرن. دێ تەناهی و ئاڤەدانی ل شنگال دروست بیت كو ئەڤ رێكەڤتنا هاتیە كرن ناڤبەرا حكومەتا هەرێما كوردستانێ و عێراقی دا بۆ ئاساییكرنا رەوشا شنگال، پێنگاڤەكا زۆر باشە بۆ چارەسەركرنا رەوشا شنگال. خەلكێ شنگال دێ بریارێ ل سەر چارەنڤیسێ خۆ دەن. دێ رەوشا خراب شنگال دووماهی هێت. ئەو رەوشا نۆكە شنگال تێدا نەبتنێ یا خرابە بەلكو ژیانا شنگال دا نابیت ژبەر خرابیا رەوشا نۆكە ل شنگال هەی”.
دیاركر كو: “خەلكی بیانی یێن ژ دەرڤەی قانوونێ هاتینە ناڤ شنگال دا دەستێ خۆ داناینە سەر هەموو تشتان ل شنگال وتێكڤەدانێ دكەن. ئەم هیڤی دكەین ئەو گرۆپێن نەشەرعی پێگیریێ رێكەڤتنا هەولێر و بەغدا بكەن داكو ژیانا بۆ شنگال ڤەگەریت وئێزدی بشێن بزڤرنە سەر جه و مالێن خۆ”.
د. سلێمان گۆت: “ئەو گرۆپێن نۆكە ناڤ شنگال دا بۆ پاراستنا بەرژوەندیێن خۆ ل شنگال كار دكەن، وان گرۆپان نەڤێت رەوشا شنگال باش بیت داكو ئەو گرۆپێن نەشەرعی و چەكدار ل سەر كارێن خۆ بازرگانی بەردەوام بن”.
ئاشكەرا كر كو: “ئەو گرۆپ و مال و هێزێن ب ناڤێ ئێزدیان ل شنگال كار دكەن نوونەراتیا خەلكێ شنگال ناكەن كو نۆكە ژلایێ وان گرۆپ و هێز ولایەنان ڤە خۆ پێشاندان دهێنە كرن چونكو ئەو باش دزانن هەكە رێكەڤتنا هەولێر و بەغدا بكەڤتە وارێ بجه ئینانێ دا دێ شنگال خۆش بیت وبەرژوەندیێن وان گرۆپ و هێز ولایەنان نامینن، لەورا ئەو كار دكەن بۆ پاراستنا بەرژوەندیێن خۆ. ئەم هیڤی دارین ئەو گرۆپ ولایەن شنگال چوول بكەن”.
د. سلێمان فانۆ، دیار كر كو: “خەلكێ شنگال دبن خیڤەتان دایە نەشێن ڤەگەرن شنگال ژبەر رەفتارێن خراب یێن گرۆپێن نەشەرعی و چەكدار ل قەزا شنگال هەر دەمێ گرۆپێن نەشەرعی ل شنگال نەمینن دێ تەناهی دروست بیت وخەلكێ مە دێ زڤرنە سەر جهێن خۆ”.
تُتاح هذه الصورة أيضا في: کوردی
