بنگه‌هێ لالش پشته‌ڤانيێ ل به‌يانناما ره‌وشه‌نبيرێن ئێزديێن دهۆكێ دكت
تۆرا لالش یا راگەهاندنێ/دهۆك
ئيرۆ سێ شه‌مبوويێ 3/12/2019ێ كۆمبوونا ئاسايى يا ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌لايه‌تى ل دهۆكێ،ب سه‌رۆكاتيا به‌رێز”شێخ شامۆ”سەرۆكێ بنگەهێ لالش و ب ئامادەبوونا ئەندامێن دەستەیا بلند و بەرپرسێن تایێن بنگەهێ لالش ب رێڤه‌چۆ.
دكۆمبوونێ دا بەرێز”شێخ شامۆ”سەرۆكێ بنگەهێ لالش پشته‌ڤانيا بنگه‌هێ لالش بۆ به‌يانناما ژلايێ چه‌ندين ره‌وشه‌نبيرێن ئێزديان ڤه هاتيه راگه‌هاندن سه‌باره‌ت پێدانا كورسيه‌كا كۆتايێ بۆ ئێزديان ل پارێزگه‌ها دهۆكێ ل جڤاتا نوونه‌رێن عێراقێ دووپاتكر،كو چه‌ندين سالا ئێزديێن دهۆكێ ژڤێ كورسيا كۆتايێ بێ به‌هرن.
دتەوەرەكی دی یێ كۆمبوونێ دا به‌حس ل كار و بزاڤ و چالاكيێن تايى و نڤيسينگه‌هێن لالش ئه‌نجام داين هاته كرن و جه‌خت لسه‌ر به‌رده‌واميا بزاڤ و چالاكيان هاته كرن بۆ خزمه‌تكرنا جڤاكێ ئێزدى.
هه‌روه‌سا شێخى ده‌ست خۆشى ل خه‌لكێ گوندێ جه‌گانا ل كۆمه‌لگه‌ها بابيرێ كر بۆ ڤه‌كرنا هۆلا جه‌گانا يا بيره‌وه‌ريان،و ده‌ست خۆشى ل خێرخوازێ ئێزدى “به‌شير كوريه” كر كو مه‌زاختيێن نيڤا ئاڤاكرنا هۆلێ ب ستۆيێ خۆ ڤه گرتين.
ژلايه‌كێ دى ڤه سه‌رۆكێ بنگه‌هێ لالش سه‌ره‌خۆشى ل مالباتا خودێ ژێ رازى “سێڤێ بابا شێخ”ئه‌نداما به‌رێ يا بنگه‌هێ لالش و جڤاتا پارێزگه‌ها مووسلێ كر ،دياركر ژى وه‌غه‌ركرنا وێ خوساره‌ته‌كا مه‌زن بوو بۆ جڤاكێ ئێزدى،وه‌ك بنگه‌هێ لالش دێ رابت ب ساخكرنا چل رۆژيا خودێ ژێ رازى.
هه‌ر دكۆمبوونێ دا بريار هاته دان كو هاريكاريا چه‌ندين زارۆكێن سێوى بێته كرن ب هه‌لكه‌فتا هاتنا جه‌ژنا رۆژيێن ئێزى.
پاشى گەنگەشە دناڤبەرا ئەندامێن دەستەیا بلند و بەرپرسێن تایێن بنگەهێ لالش لسەر گرنگترین كار و چالاكیێن بنگەهێ لالش و چەند بابەتێن دی هاتە كرن.
تُتاح هذه الصورة أيضا في: کوردی
