کچەکا دی يا ئێزدی ژ دەستێن داعش ھاتە رزگارکرن
ئەڤرۆ نیوز:
رێڤەبەرێ نڤیسینگەھا رزگارکرنا رەڤاندیێن ئێزدی دیار کر کو کچەکا دی یا کوردێن ئێزدی ژ دەستێن تیرۆرستێن داعش ل وەلاتێ سووریا ھاتە رزگارکرن و ئەڤرۆ ١٣/١/٢٠١٩ دێ گەھیتە نڤیسینگەھا رزگارکرنا رەڤاندیان بۆ ب رێڤەبرنا کاروبارێن خوە.
حسێن کورو قائیدی، رێڤەبەرێ نڤیسینگەھا رزگارکرنا رەڤاندیێن ئێزدی یا سەر ب نڤیسینگەھا سەرۆکێ حوکمەتا ھەرێما کوردستانێ ڤە بۆ ئەڤرۆ نیوز دیار کر کو کچا ب ناڤێ ( ا، بابیر، ک) دژیێ ٢٠ سالیێ دا خەلکێ گۆندی کوچو یە ل وەلاتێ سووریا ھاتە رزگارکرن کو ل کارەساتا شنگالێ رۆژا ١٥/٨/٢٠١٤ ھاتبوو گرتن و رەڤاندن پشتی بزاڤێن زور ھاتینە کرن ئەو شیان ڤێ کچی رزگاربکەن و گۆت: “ئەم دبەردەوامین بۆ رزگارکرنا ھەموو رەڤاندیێن ئێزدی ل ھەر جھەکێ لێ ھەبن ئەم دێ کارکەین بھێنە رزگارکرن”.
تُتاح هذه الصورة أيضا في: کوردی
