بابا چاویش پەیامەکێ ئاراستەی ئێزدیان دکت
ئەڤرۆ نیوز:
ئولداری ئێزدیان ل پەرستگەھا لالش دیار کر کو بۆ نووژەنکرنا پەرستگەھا لالش ئەڤرۆ وان پێدڤی ب خزمەتا ئێزدیان ھەیە و گۆت: “داخوازێ ژ ئێزدیان دکەین بھێن خزمەتا گەلیێ پیرۆزێ لالش بکەن”.
بابا چاویش، ئولداری ئێزدیان ل پەرستگەھا لالش پەیامەک بەلاڤکر و تێدا دیار کر کو پشتی پەرستگەھا لالش بۆ دەمێ چەند سالان نەھاتیە نووژەنکرن، ئەڤرۆ ب بڕیارا میرێ ئێزدیان و جڤاتا روحانی ب ھاریکاریا سندۆقا میری و خێرا ئێزدیان دەست ب نووژەنکرنا وێ ل سەر شێوەیێ کەڤن ھاتەکرن و گۆت: “دڤیت ئەم دەستێن خوە بکەینە د ناڤ دەستێن ئێک دا بۆ وێ چەندێ خزمەتا پەرستگەھا لالش بکەین، چونکی پەرستگەھا ئێزدیانە و پێدڤیە ئێزدی ھەڤکاربن ب مال و خزمەتا خوە بۆ پەرستگەھا لالش ھەر کەسەک دل ووڤ شیانیێن خوە بھێت خزمەتێ بکەت”.
ناڤھاتی ئاماژە دا وێ چەنمدێ کو ئەو پێدڤی ب خزمەتێ نە، چونکی پارێ سندۆقا میری بۆ نەخۆش و قوتابیان و گەلەک کارێن دی دھێتە مەزاختن، لەوڕا نووژەنکرنا پەرستگەھا لالش پێدڤی ب ھاریکاریا ئێزدیان ھەیە.
تُتاح هذه الصورة أيضا في: کوردی
