سميناره‌ك لدۆر ئايينێ ئێزديان ل كه‌لتۆرێ جيهانى دا هاته گێران
تۆرا لالش يا راگه‌هاندنێ
ل ناوچه‌داريا باشيكێ سميناره‌ك لدۆر ئايينێ ئێزديان ل كه‌لتۆرێ جيهانى دا هاته گێران.
ئيرۆ رۆژا ئينيێ 12ى ئوكتۆبه‌را 2018ێ بنگه‌هێ لالش تايێ باشيكێ سميناره‌ك لدۆر(ئايينێ ئێزديان ل كه‌لتۆرێ جيهانى) بۆ نڤيسكار و ڤه‌كۆله‌ر دكاروبارێن ئێزديان دا “فه‌رحان سادق” گێرا،ب ئاماده‌بوونا جه‌ماوه‌ره‌كى زۆر ژ ره‌وشه‌نبير و نڤيسكارێن باشيك و به‌حزانێ.
ل ده‌ستپێكێ “جومعه ئلياس” به‌رپرسێ بنگه‌هێ لالش تايێ باشيكێ په‌يڤه‌ك پێشكێشكر و بخێرهاتنا ئاماده‌بوويان كر و جه‌خت ل كارێن بنگه‌هى كر بۆ دووباره ئاڤاكرنێ ئه‌وا گرۆپێ داعش يێ تيرۆرستى ژناڤبرى و سوپاسيا هه‌موويان كرهه‌ڤكار بووين بۆ ڤى ده‌ستكه‌فتى ب تايبه‌ت “شێخ شامۆ” سه‌رۆكێ ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌لايه‌تى ل دهۆكێ.
پاشى نڤيسكارى به‌حسێ ڤه‌كۆلينا خۆ كر ل ده‌مێ سه‌ره‌دانا چه‌ندين مۆزه‌خانه و په‌رتۆكخانێن جيهانى كرى و چه‌ند زانياريێن پر به‌ها پێشكێشى ئاماده‌بوويان كرن.
ل داويێ گه‌نگه‌شه دناڤبه‌را نڤيسكارى و ئاماده‌بوويان دا هاته كرن.
تُتاح هذه الصورة أيضا في: کوردی
