بنگه‌هێ لالش ئه‌لمانيا سميناره‌ك بۆ به‌رێز“هێمن هه‌ورامى“ ئه‌ندامێ سه‌ركردايه‌تيا پارتى رێكخست
تۆرا لالش يا راگه‌هاندنێ
ل رێككه‌فتى 24ى نيسانا2018 ل باژێرێ بيليفيلد بنگه‌هێ لالش ل ئه‌لمانيا سميناره‌ك بۆ به‌رێز”هێمن هه‌ورامى” ئه‌ندامێ سه‌ركردايه‌تيا پارتى ديموكراتى كوردستان رێكخست.
سمينار لدۆر ره‌وشا نهۆ ل كوردستانێ و عێراقێ و روودانێن كوردستان تێرا ده‌ربازبووى پشتى روودانێن 16ى ئوكتۆبه‌رێ.
ژلايه‌كى دى ڤه به‌رێز هه‌ورامى به‌حسێ هه‌لبژارتنێن په‌رله‌مانێ عێراقێ يێن بێت و گرنگيا پشكداريا كوردستانيان و ب تايبه‌ت جه‌ماوه‌رێ پارتى ديموكراتى كوردستان كر.
ل به‌راهيێ به‌رێز”هێمن هه‌ورامى” پيرۆزباهيێن سه‌رۆك بارزانى و سه‌ركردايه‌تيا پارتى ديموكراتى كوردستان پێشكێشى ته‌ڤايا ئێزديێن كوردستانێ و ده‌رڤه‌ى وه‌لاتى كرن ب هه‌لكه‌فتا جه‌ژنا سه‌ر سالا ئێزديان.
دسمينارێ دا كو بۆ ماوێ پتر ژ دوو ده‌مژمێران ڤه‌كێشا شيره‌تكارێ سه‌رۆك بارزانى لسه‌ر رۆلێ ئێزديان ل بزاڤا رزگاريخوازا كوردى و رۆلێ وان د هه‌لبژارتنێن عێراقێ دا و ده‌نگدان بۆ هه‌ڤپه‌يمانيا كوردستانى ئاخڤى و دوپاتكر ليستا پارتى ديموكراتى كوردستان پێك دئێت ژ هه‌موو ته‌خ و پێكهاتێن ئايينى و نه‌ته‌وى يێن كوردستانێ.
هه‌روه‌سا ته‌خه‌كا ره‌وشه‌نبيران و كه‌سايه‌تيێن جڤاكى و سياسى دسمينارێ دا پشكدار و ئاماده‌بوون،كو به‌رێز هێمن ناما سه‌رۆك بارزانى بۆ جه‌ماوه‌ر و كادرێن پارتى و ئه‌ندامێن بنگه‌هێ لالش ڤه‌گوهاست.
ژ ئاليه‌كى دى ڤه گه‌نگه‌شه دناڤبه‌را به‌رێز هه‌ورامى و ئاماده‌بوويان دا لسه‌ر ره‌وشا كوردستانێ و ده‌ڤه‌رێن ده‌رڤه‌ى ئيدارا هه‌رێمێ و پاشه‌رۆژا دگهۆرێن چێدبن دا هات كرن.
ل داويا سمينارێ به‌رپرس و ئه‌ندامێن بنگه‌هێ لالش سوپاسيێن خۆ پێشكێشى به‌رێز هه‌ورامى كرن بۆ سه‌ره‌دانا وى و پێشكێشكرنا سمينارێ ل بنگه‌هێ لالش و هيڤيا سه‌ركه‌فتنێ بۆ ليستا پارتى ب سه‌ركردايه‌تيا سه‌رۆك بارزانى خواستن.
تُتاح هذه الصورة أيضا في: کوردی
