په‌كه‌كێ 450 كور و كچێن دبن ژیێ 18 سالى دا ل شنگال یێن برینه سوریا و قه‌ندیل
باسنيوز:
ئیدریس زوزانى، به‌رپرسى رێكخراوێن جه‌ماوه‌رى و پێشه‌یى لقى 17 پارتى ل شنگال بۆ(باس) دیار كر: “كارتیكرنا په‌كه‌كێ ل خه‌لكێ شنگال كرى كێمتر نه‌بوویه ژ وێ كارتیكرنا تیرۆرستێن داعش ل ته‌باخا سالا 2014ى ل خه‌لكێ شنگال كرى، هه‌كه به‌روارد بكه‌ین كه‌سێن تیرۆرستێن داعش ره‌ڤاندێن و كه‌سین په‌كه‌كێ ره‌ڤاندین 400 هه‌تا 450 كور و كچین د بن ژیێ 18سالیێدا په‌كه‌كێ یێ برینه چیا ل سه‌ر په‌روه‌رده‌كا نه‌باش په‌روه‌ردا دكه‌ن كوشتن و مالوێرانكرن یێن كرینه ئارمانجا ڤان، پشتى ئه‌م ل شنگال نه‌ماین و هاتینه ڤه‌كێشان په‌كه‌كێ خوه ل شنگال خورت كریه و یا گه‌هشتیه داموده‌زگه‌هێن میرى“.
دیارژی كر: “پشتى گاودانێن ڤێ دووماهیى ره‌وشا شنگال زۆر ئالوز بوویه ئه‌و ره‌وشا نوكه خه‌لك تێدا زۆر بیزار بووینه، خه‌لك داخازا ڤه‌گه‌راندنا زڤرینه داموده‌زگه‌هێن حكومى و حزبى و ئه‌منى یێن هه‌رێما كوردستانێ دکەت، ئه‌و پیشبینێ بۆ خه‌لكێ شنگال په‌یدا بوون هوه‌سا ده‌رنه‌كه‌ڤت، هنده‌ك خه‌لكێ هزر دكر ده‌مێ حكوومه‌تا عێراقى یان حه‌شدا شه‌عبى یا ئێزدى بهێته شنگال دێ ره‌وشا وان باش بیت، لێ به‌روڤاژى ده‌ركه‌ڤت ره‌وشا خه‌لكێ خرابتر بوویه ب ره‌نگه‌كێ هوڤانه سه‌ره‌ده‌ریێ دگه‌ل خه‌لكێ هاته كرن، نوكه شنگال تووشى چه‌ندین قه‌یرانان بووینه ژ واناژى قه‌یرانا سیاسى و ئابۆرى و كۆمه‌لایه‌تى، نوكه ئاریشین كومه‌لایه‌تى بووینه ئاریشه‌كا مه‌زن ل شنگال زێده‌بارى ڤێ چه‌ندى ژى گه‌له‌ك داموده‌زگه‌هێن حكوومى و حزبى یێن هاتینه ده‌ستكارى كرن ژلایێ حه‌شدا شه‌عبى ڤه، نوكه ئه‌م چاڤه‌رینه كا ئه‌و دێ چه‌وا ئاریشه‌یان چاره‌سه‌ر كه‌ن و بریار دێ بریارا خه‌لكێ شنگال بیت”.
زوزانێ ئه‌وژى دیار كر: “هنده‌ك كه‌سان هزر دكر دێ حه‌شدا شه‌عبى هێته شنگال دێ جاده‌یان و قوتابخانه‌یان و ئاڤى و كاره‌بى بۆ خه‌لكێ دابین كه‌ت، دێ خه‌لكێ دامه‌زرینت، دێ ژیانا خه‌لكێ خوش كه‌ت، لێ ئه‌ڤه هه‌موو هوه‌سا ده‌رنه‌كه‌ڤن حه‌شدا شه‌عبى هه‌ر ده‌مێ هاتیه شنگال ناكوكیى و دووبه‌ره‌كێ ئیخسته ناڤبه‌را پێکهاتێن شنگالێ دا، حه‌شدا شه‌عبى یا شیعه دچن خه‌لكێ سونه كوژن و ئینان دگۆتن ئه‌ڤه حه‌شدا شه‌عبى یا ئیزدى یێ كوشتى ئه‌ڤه بۆ تۆلڤه‌كرنى هاته كرن، بتنى مه‌ره‌ما وان ئه‌و شنگال ئارام نه‌بیت و پێکهاتێن ده‌ڤه‌رى ئیكدو بكوژن و ناكوكیى هه‌بیت بۆ به‌رژوه‌ندیا حه‌شدا شه‌عبى”.
ئه‌وژى دیار كر: “نوكه حه‌شدا شه‌عبى ب ئەجندا دەرەکی كارى خوه دكه‌ت، هه‌كه مرۆڤ بچته ناڤ واقعى واندا دێ بینت حه‌شدا شه‌عبى ئه‌ون یێن ژ ئێران و سووریا و لوبنان هیچ تشته‌كێ ژ واقعى شنگال نوزانن بۆ وان نه‌یا گرنگه كێ ئێزدییه و كى موسلمان ل شنگال چوو جۆداهیى نائیخته ناڤبه‌را واندا بۆ حه‌شدا شه‌عبى یا گرنگه ناكوكیى ناڤبه‌را پێگکهاتێن شنگالدا روو بده‌ن، حه‌شدا شه‌عبى باش دزانت هه‌كه ریێا شنگال بۆ دهۆك هاته ڤه‌كرن هیچ كه‌سه‌كێ ئێزدى ل شنگال نامینت دێ هه‌موو دووباره ئاواره‌یێ دهۆكێ بن”.
ئیدریس زوزانى ئاشكراژی كر: “ل شنگال ئه‌و كه‌س یێن گه‌هشتینه په‌كه‌كێ كه‌سین كوژه‌ك یان ئاریشه‌كا كۆمه‌لایه‌تى یا هه‌ى یان ژى مرۆڤێ بازرگانیى مرۆڤانه و بازرگانى كه‌ره‌ستێن قه‌ده‌غه‌كرییه، ئه‌ڤ جۆرێن مرۆڤان ل شنگال یێن چووینه ناڤ په‌كه‌كێ دا بۆ بجهئێنانا به‌رژوه‌ندیێن خوه كه‌سوكێ نه زێده‌تر وه‌كو دیژى هنده‌ك گه‌نج و خورت ناڤ په‌كه‌كێدانه و ده‌مێ بۆ ماوى چه‌ند هه‌یڤان مینن ناڤ په‌كه‌كێدا بچاڤێن خوه دبین كو په‌كه‌كه نه بۆ به‌رژوه‌ندیا شنگال هاتیه ده‌ڤه‌رێ و په‌كه‌كێ ژلایێ ئاینى و كۆمه‌لایه‌تى ڤه بازرگانیى ب ئێزدیان دكه‌ت”.
ئاماژه دا وى چه‌ندى ژى كو ل شنگال په‌كه‌كێ كور ژ بابى یێ ره‌ڤاندى و كچ ژ دایكى یا ره‌ڤاندى بتنى بۆ به‌رژوه‌ندیێن خوه، هیچ رۆژه‌كێ ژى په‌كه‌كه نه‌یا به‌رهه‌ڤه بهێت كور یان كچه‌كێ نێزیكى دایك و بابین وان بكه‌ت و هه‌ول ده‌ت كور و كچان ژ دایك و باب دوور بكه تبتنى دا ناڤ رێزیێن واندا بمینت، ئه‌و كور و كچ چوون نكارن جاره‌كا دێ بزڤرن دناڤ خێزانێن خوه‌دا، چونكو په‌كه‌كێ ل سه‌ر په‌روه‌ردا شاش ل سوریا و قه‌ندیل وان په‌روه‌ردا دكه‌ت دووڤ پلان و به‌رنامێن خوه یێن سیاسى و نه حه‌زا باب و دایكێن خوه دچن دبن ژیێ 18 سالێدانه هزاره‌ها ژى كه‌سان ده‌ست ژ په‌كه‌كێ به‌رداینه”.
تُتاح هذه الصورة أيضا في: کوردی
