350 گرتيێن ئێزدی ل تەله‌عفەر هەنە
باسنيوز:
رێڤەبەرێ نڤیسینگەها رزگاركرنا رەڤاندیێن كوردێن ئێزدی ل پارێزگەها دهۆكێ دیاركركو ئۆپەراسیۆنا رزگاركرنا تەلەعفەر ئەڤرۆ 20/8 دەست پێكر. دووڤ پیشبینیان ژی هەتا 350 رەڤاندیێن ئێزدی ل تەعفەر هەنە. ئەم داخوازێ دكەن ژیانا وان بهێتە پاراستن وپلانەك بۆ رزگاركرنا وان ژی بهێتە دانان.
شێخ عیدان كالۆ، رێڤەبەرێ نڤیسینگەها رزگاركرنا رەڤاندیێن كوردێن ئێزدی ل پارێزگەها دهۆكێ بۆ(باسنیوز) دیاركر:” پلانا مە یا بەردەوامە بۆ رزگاركرنا رەڤاندییان، ئەم داخوازێ دكەن لایەنێن پشكدار ئۆپەراسیۆنا قەزا تەلەعفەرێ دا هەڤكاریا مە بكەن بۆ رزگاركرنا رەڤاندیێن كوردێن ئێزدی وداخوازێ دكەین دگەل پلانا سەربازی پلانا رزگاركرنا رەڤاندیێن ئێزدی ژی بهێتە دانان”.
خویا ژی كر:” گەلەك زارۆكێن رەڤاندی ل تەلەعفەر هەنە ئەم داخوازێ دكەین رێك نەهێتە دان زارۆكێن ئێزدی ب ناڤێن سەختە بهێنە ڤەگوهاستن بۆ كەمپێن ئاواران ل مووسل”.
تُتاح هذه الصورة أيضا في: کوردی
