گێرانا هەر توافەكێ نیشانا گەشبوونا ئێزدیانە
تۆرا لالش یا راگەهاندنێ/هۆگر نەجیب
هەر سال پشتی جەژنا سەرێ سالا ئێزدیان كوردێن ئێزدی دەست ب گێرانا رێ ورەسمێن توافان دكن كو هەر گوند و كۆمەلگەهەكێ توافا خۆ یا تایبەت هەیە،دكەش و هەوایەكێ ئارام دا،ل رێككەفتی 26نیسانا 2017ێ،هۆزا قایدیا ب تایبەتی توافا كەرەجال ل كۆمەلگەها شاریا گێران.
“دلدار نایف”ئێك ژ پشكدارێن لژنا گێرانا رێ و رەسمێن توافا كەرەجال بۆ(تۆرا لالش یا راگەهاندنێ)گۆت:”خۆشیا ڤێ توافی ژ یێن پشتی قركرنێ تامتر بوون ئەگەر ژی ئەوبوو،پتریا دەڤەرێن ئێزدیان یێن داگیركری ژلایێ تاری پەرێسێن (داعش) ڤە هاتنە رزگاركرن ژلایێ پێشمەرگەهێن قەهرەمان یێن كوردستانێ و دگەل رزگاركرنا پتر ژ سێ هەزار كەس وكارێن مە “.
گۆتژی ئارامیا ل كوردستانێ و لاوازبوونا تاری پەرێسێن داعش ئەگەرەكا دی بوو نەبتنێ هۆزا قایدیا ،بەلكو پتریا ئێزدیان ژ هەموو دەڤەران پشكداریەكا بەرفرەه د رێ و رەسمان دا بكن و دكارم بێژم نێزیكی 10هەزار كەسی پشكداری كرن.
ئەو چەندە ژی خویاكر:”پشتی رۆژهەلاتێ ئێكسەر دەست ب رێ و رەسمان هاتنە كرن ب شێوەیەكی گەلەك جوان ،ل دەستپێكی تا داویێ دەهۆل و زرنایێ لێددا و هۆزا قایدیا دگەل پشكداران بەرەڤ مەزارگەهێ كەرەجال چوون و پیروزكرن و ل وێدەر بەردەوام دیلان دهاتە كرن و ل داویێ بەرەف ژۆریا چیایی ڤە چوون دگەل گۆتنا هۆل هۆلا كەرەجالە ب گۆڤەندا ئایینی دبێژنێ سەما (ئێشیك) هاتە گێران”.
لدووڤ گۆتنا دلداری ،گێرانا هەر توافەكێ نیشانا گەشبوونا ئێزدیا نە و وێ چەندێ خویا دكن،ئێزدی ئایینەك نەمرن و ب قركرنا ژناڤ ناچن.
دا زانین ژی هیڤیخوازن سالا بێـت هەموو كەس و كارێن مە یێن دەستێ توندرەویێن(داعش) دارزگاری كری بن دگەل دەڤەرێن نەرزرگاركری و لبن ئالایێ دەولەتا كوردستانێ خوەشتر و بەرفرهتر توافا كەرەجال بگێرین.
تُتاح هذه الصورة أيضا في: کوردی
