“شێخ شامۆ”بۆ رادیۆیا رێیا تازە:پرۆژێ ئێكلاكرنا دەڤەرێن ئێزدیان پشتی داعش نۆكە ل بەردەستێ سەرۆك بارزانی یە
دەنگێ لالش: پشكا ئێكێ
سەرۆكێ دەستەیا بلندا بنگەهێ لالش ل دهۆكێ(شێخ شامۆ)د دیدارەكێ دا لگەل رادیۆیا(رێیا تازە)راگەهاند،پرۆژێ هەرە مەزن چارەنڤیساز ژبوونا ئێزدیا ئێكلاكرنا ئاخ وخۆلی و دەڤەرێن ئێزدیایە،نۆكە پرۆژێ مەزن ل بەردەستێ جەنابێ سەرۆك بارزانی و سەرۆكێ حكومەتا هەرێما كوردستانێ ئەوە پشتی داعش رەوشا دەڤەرێن مە دێ چاوا ببە و ئیدارەكرنا وان دێ چاوا ئێكلا ببە بەرەف كوردستانێ ڤە،ئاشكەراكر ژی كو هندەك گرۆپ هەنە ئارمانجا وان ژ بوونا ڤەقەتاندنا شنگال و دەڤەرێن ئێزدیا ژ كوردستانێ،ئەڤە ژی مەترسیەكە مەزنە ل سەر پاشەرۆژا ل سەر ئێزدیا وهەبوونا وان.
دەربارەی سازدانا دیدارا لالش یا ئێكێ(شێخ شامۆ) گۆت:وەك بنگەهێ لالش ئەرك و ئارمانجا مەیە ل حەموو روودان و بیرهاتن و قۆناغا ئەم ل ئاستێ ئارمانجێ خۆ خزمەتكارێ مللەتێ خۆ بن،دبوارێ تایبەتمەندی وخسوسیەتا ئێزدیان دا ئیرۆ قۆناغ قۆناغەكا نازكە،بنگەهێ لالش ئەركێ خۆزانی دیدارا لالش یا ئێكێ ب ڤی ئاوایی ل داربخە،چنكو رەوشەكا گەلەك هەستیارە و قۆناغەكا نازكە و دەڤەرا مە دەڤەرەكا گەرمە و جینۆسایدەكا مەزن ب سەرێ خەلكێ مە دا هاتیە و دەڤەرێن مە ئیرۆ ژ دەستێن داعشێ بەرەف ئازادبوونا تەمام ڤە دچن و پرۆژێ دەولەتبوونێ ل دارە و سەرۆك بارزانی ئەڤ پرۆژە ئاراندیە و ئەم ئێزدی دڤی پرۆژەی دا گەرەكە ئەم رەوشا خۆ هنەكێ بنرخینن و بزانن ئەڤ پرۆژە چیە بۆ ئایندەكی نێزیك،لەوما بنگەهێ لالش دیدارا ئێكێ ل سەر ناڤێ ڤی درووشمێ مەزن دانی و ئەم بەرە بەرە بۆ هەر قۆناغەك بێتە پێش و هەر گاڤەك بێتە راچاڤكرن لگۆر هەر بوویەرەكێ دیدارەكێ ل داربخن ورەوشا خۆ شرۆڤە بكن و بزانن چاوا گاڤا خۆ پاڤێژن،دا ئەم ل ڤی پرۆژێ دەولەتبوونێ شوونببن،دیدارا ئێكێ بوو ئەم نكارن بێَژن گەهشتینە ئارمانجێن خۆ نە دیدار ئەوە ئەم بریارێ بدەن بەلێ ژ روویێ سیاسی و پۆلەتیكێ و كارگێری و ئێزدی ناسیێ ڤە كەسانێن ئەكادیمی قۆناغە شرۆڤەكرن كا ئەم دچ قۆناغێ دان و بەرەف ئایندە چ بێتە كرن باشە مەخدووریا ئێزدیا و كێم و كاسی و گلی وگازندە و داخوازیێن وان چاوانیا ئیدارەكرنا دەڤەرێن ئێزدیا پشتی داعش نەمینە ،ئەڤ بابەت حەموو هاتنە گەنگەشەكرن.
ل دۆر وان كەسێن دڤێن ئێزدیا ژ كوردستانێ ڤەقەتینن ئاشكەراكر، بەردەوام داگیر كەرا داردەستێن خۆ هەنەو بەردەوام ژی سەردەمێ رژێما سەدام ژی هن هەبوون داردەستێ دەستێ وێ رژێمێ بوون و بزاڤ دكرن ناسناما كوردێن ئێزدی بكەنە ناساناما ئەرەبی و ناسناما وان یا كوردی ژێ بستینن و هندا بكن و تەعریب بكن و بكەنە ئەرەب،ئیرۆ ژی ئەین ئەو گرۆپەنە ب ناڤەكی دیتر هاتینە پێش دیسا بزاڤێ دكن ئێزدیا ژ كوردستانێ ڤەقەتینن و خەلك و نەتەوا وان ژ مللەتێ وان ڤەقەتینن ئەڤ گرۆپە هندەك ژێ گرێدایی بەغدایێ نە و هندەك ژ دەرڤە هاتینە و هندەك دناڤخۆیا ئێزدیا دا هەر هزرا بەرێ یا رژێما بەرێ هەر ئەون ب كراسێ ئێزدیاتیێ دئێنە پێش ئەڤ گرۆپە حەموو گاڤا توو ل هەڤ ددەی ئارمانجا وان ئێكە ژ بوونا ڤەقەتاندنا شنگال و دەڤەرێن ئێزدیا ژ كوردستانێ بۆ ناڤ جوداكرنا ئێزدیا و نەتەوا وان،ئەڤە ژی مەترسیەكە مەزنە ل سەر پاشەرۆژا ل سەر ئێزدیا وهەبوونا وان و ل سەر وان قوربانیێن ئێزدیا داین ژبوونا كوردستانێ و لالشا خۆ داین گەرەكە بنگەهێ لالش دڤان مەسەلادا ل رێزا پێشیێ ڤێ هشیاریێ بدە خەلكێ خۆ ل سەر دەستێ كەسانێن ئەكادیمی و زانا خەلكێ مە هشیار ببە پێ وان گرۆپا نەكەڤە،چنكو ئەو گرۆپە خیانەت و غەدرێ ل ئێزدیا دكن وهەول ددەن ژبوونا بەرژەوەندیێن خۆ یێن تایبەت ئێزدیا ب خاپینن ب خەونا خۆشتڤیێ و جوداكرنێ و كانتۆنا ئەڤە ژی خزمەتا ئێزدیا ناكت و ئەركێ مەیە ئەم بەردەوام بێژنە خەلكێ خۆ كوردستان وەلاتێ مەیە و ئەسلێ كوردستانێ ئەمین ئێزدی نە كورد بن كورد نینن و ما خودێ قەبوول دكت ل سەر ڤێ رەسەنەتیا خۆ ئێك بێت بازارێ ل سەر بكە و مە ب خاپینە ژبوونا بەرژەوەندیێن پارتا خۆ یا بەرژەوەندیێن تایبەت،جهێ مخابنیێ یە هندەك هەنە بزاڤەك هەیە دبێژنێ چاكسازییا ئێزدیا ئەڤ گرێدایی ئەرەبانە بەری ئەڤ زوولم و زۆردارییا ل ئێزدیا بێتە كرن ئەڤنە ب برادەرێن سووننە را بوون پشتی ئەڤ زوولما ل مەكری چوون و گەهشتنە شیعا گرۆپەكی كچكە و پارتەك چێكرینە دبێژن ئەم نە كوردن گرێدایێ بەغدانە و بەغدا وان بكاردئینە و گرۆپێن دی مخابن برادەرێن گرێدایی پەكەكێ و پەكەكە لبن كراسێ هاوارهاتنێ هاتنە شنگالێ و ل وێدەرێ بناڤێ ئێزدیا نۆكە دخۆرە و دشنگال دا ئاسێ بوویە و دبێژە شنگال كانتۆنە و خوەسەریا مەیە وئەڤە ژی زولمەكا مەزنە و مەزنترە ژ زولما داعش ل مەكری گاڤا بێن دشنگال دا ئاسێ ببن و ئەڤ گرۆپە حەموو ئارمانجا وان ئێكە ژ بوونا ڤەقەتاندنا شنگالێ دیسا گرێدانا وێ ب ئەرەبستانێ ڤە.
سەبارەت پرۆژێن حكوومەتا هەرێما كوردستانێ بۆ ئێزدیان سەرۆكێ دەستەیا بلندا بنگەهێ لالش دیاركر،پرۆژێ هەرە مەزن چارەنڤیساز ژبوونا ئێزدیا پرۆژێ یەكلاكرنا ئاخ وخۆلی و دەڤەرێن ئێزدیایە،نۆكە پرۆژێ هەرە مەزن ل بەردەستێ جەنابێ سەرۆك بارزانی و سەرۆكێ حكومەتا هەرێما كوردستانێ ئەوە پشتی داعش رەوشا دەڤەرێن مە دێ چاوا ببە و ئیدارەكرنا وان دەڤەرا دێ چاوا ئێكلا ببە بەرەف كوردستانێ ڤە و ئەڤە ژ مەرە ژ حەموویێ گرنگترە و ئەولی ئاخ و دەڤەر و شنگالا مە بكەڤنە سەر كوردستانێ وەختێ بكەڤنە سەر كوردستانێ ژ ئالیێ بوودجێ وئاڤاكرنێ ڤە و ئێمناهی و حەموو ئالیێن ژیانێ ڤە گەرەنتی وێ هەبە،لەوما پرۆژێ هەرە مەزن پرۆژێ چارەنڤیسێ دەڤەرێن مەیە و پشتی هنگێ پرۆژێ ئاڤاكرنێ بەرهەڤی ژێرا هەیە ل سەر ئاستێ حكومەتا هەرێمێ و هەول ددەت دەرگەهەكی نێڤ دەولەتی ڤەكە،چنكو شنگال یا وێرانە و خەلكێ مە یێ پەریشانە و پێتڤی ب هاریكاریەكا مەزن هەیە و عێراق بۆ دەڤەرێن مە هاریكاریێ ناكت و هەتا نۆكە بوودجەیا دەڤەرێن مە ژ عێراقێ دئێتە خوەستن و عێراق نادەت،لەوما ئەڤ بارێ گران كەفتیە سەر كوردستانێ و كوردستان دقەیرانەكا دارایی دا دچە و شەرەكی داعش بەرهەنگاری كوردستانێ بوویە،بەلێ كوردستان یا ناچارە ل دەڤەرێن مە یێن ئێزدیان خوەیی دەركەڤە و دەرگەهەكێ نێڤ دەولەتی ڤەكە و ڤان دەڤەرا ئاڤاكە و چارەنڤیسێ ڤان دەڤەرا بەرەف كوردستانێ ئێكلا بكە راستە سەرۆك بارزانی دبێژە ئێكلاكرنا ڤان دەڤەرا ب دەنگێ خەلكێ وێ دەڤەرێ وێ چێ ببە راستە بریار بریارا خەلكێ مەیە بەس ئەم ل وێ باوەریێ دانە گاڤا ریفراندۆمەك چێ بوو دەڤەر و ئێزدیێن مە ل بەندا هندێ نە بێژن بەلێ كوردستان و ڤەگەرن.
هەروەسا دەربارێ كارو خەباتا بنگەهێ لالش و ناساندنا كارەساتا ئێزدیان ب جینۆساید(شێخ شامۆ)خویاكر،بنگەهێ لالش وەكو دەزگەهەكێ نەتەوی بەردەوام دناڤا سیاسەتا نەتەوی دا ل رێزا پێشیێ ل ئێزدیا دە خوەیی دەردكەڤە،هەر ژ دەستپێكا كارەساتا ب سەرێ ئێزدیا قەومی و هەتا نۆكە ئەم ب ئێش و ژانێ خەلكێ خۆ رانە و ئەوا ممكن ببە و مە پێ چێ ببە ئەم هاریكاریا خەلكێ خۆ دكن و ئەوا ممكن ببە ئەم بكارن دەرد و داخوازیێن خەلكێ خۆ بگەهیننە دام و دەزگەهێن پەیوەندیدار،ئیرۆ هەتا 50بارەگا و نڤیسینگەه و بنگەه مە هەنە وەكو بنگەهێ لالش ل سەرانسەری دەڤەرێن ئێزدیان و حەموو ئەو كادر و هەڤال و ئەندام یێن دەستەكێن رێڤەبەر دگەل ئەندامێن خۆ یێن دیتریێن نێزیكی وان دگەل ستافێ كار حەموو ژی دخزمەتا خەلكێ مە یێ ئاوارە و پەریشان دان و ئەوا ممكن ببە و مە چێ ببە وەكو بنگەهێ لالش ئەم خزمەتكارێ خەلكێ خۆنە بۆ هەر قۆناغەكێ چ بیرهاتنا و چ بیرهاتنا كارەساتا ساخ بكەین و چ ل قوتابی و خوندكاران خوەیی دەركەڤن و ئەم وان ڤەگوهێزنە پەیمانگەه و زانكۆیێن كوردستانێ چ ل ئافرەتا و گەنجان، یانكو ل هەر ئالیەكی ژیانا ئێزدیا بنگەهێ لالش ئەركێ خۆ دزانە و بارێ خۆ هەلگرە.
ژلایەكێ ڤە و ل دۆر پارستنا تایبەتمەندییا ئێزدیان شێخی گۆت:ئەم گەشتنە وێ باوەریێ گاڤا كوردستان ئازاد ببە ئەم دوو جارا دئازادن و گاڤا كوردستان بن دەست بە ئەم دوو جارا بن دەستن ،گاڤا رێكخستنا ناڤ مالا كوردی هەبا و تفاق و تەبایا ناڤ كالا كوردستانی هەبا هنگێ كەیفا مە دئێت و گەرەكە مە ژی تفاق وتەبایا ناڤ مالا ئێزدیا هەبا دا ئەم بكارن دهندرۆیێ ناڤ مالا كورستانی دا جیێ خۆ وەك دلێ خۆ چێكن و ئەركێ سەرۆك و سەركردایەتیا كوردستانێ و حەموو لایەنێن سیاسی یێن كوردستانی یە ل گۆر قوربانیا ئێزدیا چاڤێ خۆ بدەنە رەوشا ئێزدیا و ل ئێزدیا خوەیی دەركەڤن،چنكو ئێزدی نەمێڤانن ل سەر ڤێ ئاخێ هەرۆژ بازار ل سەر پاشەرۆژا وان و سەر ناسناما وان بێتە كرن ئەركێ كوردستانێ یە ب چاڤەكی دەلالكری بەرێ خۆ بدەنە ڤی مللەتی پەرچقاندی د درێژاهیا دیرۆكێ دا 74فەرمان دیتی،چنكو ئێزدی تنێ ل كوردستانێ پەیدابووینە ئێزدی و ئایینێ ئێزدیا ژی تنێ ل كوردستانێ پەیدابوویە و لالشا نورانی ئیرۆ پەرستگەها ئێزدیێن جیهانێ یە و كولیلكا كوردستانێ یە و چیایەك ژ چیایێ شۆرەشێ یە چیایێ لالشا نورانی، ئیرۆ ل سەرانسەری كوردستانا مەزن هەر چیایەكی و گوندەكی كوردستانێ توو هەری نیشانگەهەكا پیرانی لێ هەیە ،ئەڤە بخۆ حەموو تشتێ بەلگەیێ دیرۆكی و دەست و دەستێن رەها هەرا كەڤنار و بنیاتا مللەتێ كورد ئێزدینە و ل ئاستێ ڤێ رەسەناتی و ل ئاستێ ڤان قوربانیێن د درێژیا دیرۆكێ دا ئێزدیا داین گەرەكە سەرۆك و سەركردایەتیا كوردستانێ دیراسەت ل ڤی مللەتی خوەیی دەركەڤە و چ مەخدووریا هەی سەر راست بكن و ئێزدی جیێ خۆ یێ لایق دهندۆرێ وێ دەولەتا كوردی دا بگرن و ئەڤەیە پاشەرۆژا ئێزدیا گەش دكە و ئەڤ گرۆپێن رادبن و بزاڤێ دكن گەمیا سەرفەرازبوونا كوردا نێزیك بووی و دەولەتا كوردا بێتە راگەهاندن هەول ددەن ئێزدی جارەكا دی جاڤێن خۆ بگرن و بێژن ئەڤە نە دەولەتا مەیە ئەڤە دوژمنێ ئێزدیانە یێن ڤان تشتان دكن،ڤان گرۆپا گەرەكە ئێزدی لێ دهشیار بن و ئەڤە داردەستێن دوژمنانە و داگیركەرانە و دیسا بزاڤێ دكن مالا ئێزدیا خراب بكن و رێ لبەر ئێزدیا هندا بكن لەوما حەموو مەخدووریا مە و حەموو مافێ مەژ سەرۆكێ كوردستانێ و ژ كوردستانێ دئێتە خواستن.
تُتاح هذه الصورة أيضا في: کوردی
