ئه‌ندامەكا جڤاتا قه‌زا شنگال: به‌غدا هه‌یڤانه دراڤى دده‌ته هنده‌ك گرۆپان تا شنگال داببرێت ژ كوردستانێ
باسنيۆز:
ئه‌ندامەكا جڤاتا قه‌زا شنگال دیار كر كو به‌غدا هه‌یڤانه و به‌رده‌وام پاره داته هنده‌ك گرۆپان ل شنگال و ل سه‌ر ڤێ پلانا خوه مه‌ترسیدار یا به‌رده‌وامه تا ده‌ڤه‌را شنگال ژ كوردستانێ داببرێت.
خه‌له‌ف قاسم ئه‌ندامێ جڤاتا قه‌زا شنگال بۆ (باسنیوز) دیار كر “شنگالێ چاڤه‌ری ئه‌نجامدانا رێفراندۆمێنه بۆ دیاركرنا چاره‌نڤیسی خوه، ئێدی ده‌م هاتیه شنگال ب فه‌رمی بهێته سه‌ر هه‌رێما كوردستانێڤه و بێژینه به‌غدا بخاترا هه‌وه چونكو درێژاهیا دیرۆكێدا شنگالیان بتنی زولم و ده‌رده‌سه‌ری و هه‌ژاری و كاره‌سات ژ عێراقی دیتینه، نوكه ئه‌و ده‌مێ هاتیه شنگال بریارا خوه بده‌ن ئێدی دگه‌ل عه‌ره‌بان نه‌مینن”.
خۆیا ژی كر “به‌غدا به‌رده‌وام پشته‌ڤانیێ ل هنده‌ك گرۆپێن نه قانوونی ل شنگال دكە، هه‌كه پشته‌ڤانیا به‌غدا بۆ وان گرۆپان نه‌بیت، چ ئالوزی ل شنگال دروست نابن ئه‌م داخوازی دكه‌ین ئه‌ڤرۆ به‌ری سبه‌ی رێفراندۆم بهێته كرن، چاره‌نڤیسێ شنگال دیاربیت، ئێدی به‌غدا مایتیكرنی قه‌زا شنگالێدا نه‌كه‌ت”.
تُتاح هذه الصورة أيضا في: کوردی
