سەرۆكێ بنگەهێ لالش ل دهۆكێ پێشوازی ل بەرپرسێ لژنا رەوشەنبیریا بنگەهێ لالش_ ئەلمانیا كر
تۆرا لالش یا راگەهاندنێ
ل رێككەفتی 28/7/2016،”دلشاد سمۆ” بەرپرسێ لژنا رەوشەنبیریا بنگەهێ لالش ئەلمانیا،سەرەدانا “شێخ شامۆ”سەرۆكێ دەستەیا بلندا بنگەهێ لالش ل دهۆكێ كر،ب ئارمانجا ئاگەهداربوونا دەستەیا بلند ل سەر چالاكی و كارێن بنگەهی و هەماهەنگیا رەوشەنبیری دناڤبەرا هەردوو بنگەهان دا.
ددیدارەكێ دا”شێخ شامۆ”رۆلێ بنگەهی و ئەندام و هەڤالان ل ئەلمانیا بلند نرخاند ل كارەساتا شنگالێ دا و پێكۆلێن پێشكێشكرین ژ هاریكاریان بۆ ئاوارەیان ل كەمپێن هەرێما كوردستانێ،رژدی ل دەستەیا بنگەهی كر بۆ وی ئاستێ پەیوەندیێن بنگەه گەهشتیێ لگەل هەموو دەزگەهێن حكوومی و رێكخراوێن نێڤ دەولەتی و كۆنسلیان و بالیۆزخانەیێن بیانی ل ئەلمانیا،ژبۆ پشتەڤانیكرنا دۆزا ئێزدیان،دووپات ژی ل رۆلێ ئەكیتفێ راگەهاندنا بنگەهی كر ل گۆرەپا راگەهاندنا ئێزدیان و كوردستانێ دا.
هەروەسا دلایەكێ دی یێ دیدارێ دا،سەرۆكێ دەستەیا بلندا بنگەهێ لالش دووپاتكر كو بنگەهێ لالش ل ئەلمانیا ل سەر هەموو بنگەهێن ئێزدیان ل وی وەلاتی دكەفت،ژلایێ نوونەراتیكرنا ئێزدیان و پێشكێشكرنا خزمەتكاریان لدووڤ شیانێن بەردەست هەر ژ دامەزراندنا خۆ وەرە و هەتا ئیرۆ رۆژ،تەكەز كر ژی كو بنگەه وەك بالیۆزخانا ئێزدی و كوردیە كو هەموو كەسایەتیێن كوردستانی مەبەستێ ژێ دكن دەمێ سەرەدانێ دكن،دیسان دووپات ل وێ چەندێ ژی كر كو بنگەه ل دهۆكێ بەردەوامە ل سەر پشتەڤانیكرنا بنگەهی ل ئەلمانیا ب هەموو ئالاڤان.
دڤێ دیدارێ دا،ژمارەكا ئەندامێن دەستەیا كارگێری و بەرپرسێن لژنێن بنگەهێ لالش ل دهۆكێ دئامادەبوون.
بەرپرسێ لژنا رەوشەنبیریا بنگەهێ لالش_ئەلمانیا،سوپاسیا”شێخ شامۆ”كر بۆ وێ پێشوازی و پشتەڤانیا ل بنگەهێ لالش ل ئەلمانیا دكن.
تُتاح هذه الصورة أيضا في: کوردی
