تۆرا لالش
مللەتێ ئیزدی ب رێ و ره‌سم و جه‌ژن و و هه‌لكه‌فت و داب و نه‌ریتێن خۆ خۆ ئی دیارە لەوما ساخکرن و پوتەبێدان و خەمخۆری دڤی بواریدا نیشانا سەرکەفتنێ و پێشفەبرنا ئێزدیاتیێ یە و برێڤەبرنا دابونەریتێن مە ئێزدیانە دگەل پێشکەفتنا جیھانێ د ھەموو واراندا و تایبەت ئەڤ پێشکەفتنا ھۆسا یە مەزن و بەرفراھ د بوارێن راگەھاندن و ئەنترنێت و گەھاندنا بلەز.
ھاتنا جەژنا جەمایێ و ساخکرنا رێ و ره‌سمێن ھەر ھەفت رۆژێن جەژنێ نیشانا ئارامیێ و ئیمناھیێ یە، ژ ئالیێ دیڤە گێران و بەردەوامیدان ب ڤان رێ و ره‌سمان وێ چەندێ خویا دکەت بۆ ھەموو جیھانێ کو ملڵەتێ ئێزدی ب درێژیا مێژوویێ ھەر مایە مللەتەک ساخ و سەربلند.
لەوما گێران و بریڤەچۆنا رێ و ره‌سمێن جەژنا جەمایێ دناڤ سەقایەکی ئارامدا ڕەمانەکە مەزن ددەت و پەیامەکا مەزن دگەھینتە ھەموو جیھانێ کو ئیرۆ رۆژ جه‌مایا شیخادی ل لالشا پیرۆ بوویە خۆزیکا ھەمو خەلکی و سەرەدانا لالشا پیرۆز دکەن و پشکداریێ د رێ و ره‌سمێن ڤێ جەژنا ھوسا یە مەزن و پیرۆزدا دکەن و ل لالشێ په‌روه‌سته دبن.
جەژنانا جەمایێ ئێکە ژ جەژنێن دێرینێن مە ئێزدیان، رێ ره‌سمێن ڤێ جەژنێ بۆ ماوێ ھەفت رۆژان لناڤا گەلیێ لالشا پیرۆز برێڤە دچن، ھەر ژ ڕۆژا (٢٤ ھەتا ٣٠)ی ئێلونا رۆژ ھەلاتی، ئانکو ژ (٦ ھەتا ١٢) ی چریا ئێکێ ب ھژمارا زاینی ل پەرستگەھا پیرۆزا لالش دئێنە گێران .
ژ رێ و ره‌سمێن جەژنا جەمایێ:
– ھەموو ھێڤارا چراێن ئاقد و خاسا دئێنە ڤێخستن.
– ھەر کەسێ ئێزدی بچتە جەژنا جەمایێ دڤێتن ل نیشانێن خاسا زیارەتی بت و بچتە سەر حەودا کانیا سپی و زمزمێ و مەزارگەھێن شێخ وپیرێن خۆ.
– ل ھەموو ھێڤارێین عیدێ سەما تێتە کێشان دگەل قەول وسەبەقا ودەف و شەبابا.
– رێ و ڕسمێن قەنتارێ دئێنە گێران.
– ل ڕۆژا چاڕێ ژ جەژنێ پەری دئێنە سوارکرن.
– ل رۆژا پێنجێ ژ جەژنێ ڕێ و ڕسمێن قەپاغێ دئێنە گێران.
– ل رۆژا شەشێ ژ جەژنێ بەرێ شباکێ دئێتە سوارکرن.
– کەسێ نەیی مۆرکری بت ب ئاڤا کانیا سپی دئێتە مۆرکرن.
– ھەموو سەردەریێن خاسا سماتێ چێدکەن.
– ل رۆژا دوماھیکێ ژ جەژنێ تاووس دئێتە جوانکرن.
ھەلبەت ئێزدی ژ ھەمو دەڤەرێن ئێزدیان قەستا پەرستگەھا لالشێ دکەن تایبەت ژ دەرڤەی وەلاتی ب مەرەما زیارەتبوونێ و پشکداریێ دڤێ جەژنێدا دكه‌ن، دیندار و ئۆلدارێن ئاینی و سەردەرێن خاسا دڤێتن بەری ھنگی ل لالشێ حازربن ژبۆ ئامادەکارێ وپێشوازیا مێھڤانێن جەمایێ، ھڤیدارێن ژ خۆدێ و تاوسی مەلەک ئەڤ جەژنە جەژنا خێرێ بت لسەر مللەتێ مە یێ ئێزدی و ھەموو دونیايێ.
تُتاح هذه الصورة أيضا في: کوردی
