شۆڕشا گوڵانێ ژ سه‌رۆك بارزانى هەتا مەسرور بارزانى
جه‌عفه‌ر سمۆ
هزر ژێده‌ره‌كێ سه‌ره‌كىیه ژبۆ سه‌رهەلدانا هه‌ر شۆڕشه‌كێ، له‌وا ل درێژاهیا دیرۆكا گه‌لێ كوردستانێ گه‌له‌ك شۆڕشا سه‌رهەلدایه و ئارمانجا پرانیا وان ئه‌و بوویه كۆ ئه‌و زۆرى و سته‌ما ل سه‌ر مله‌تێ كورد نه‌میت و تاكێ كورد ژى هه‌ست ب هه‌بوونا خۆ بكه‌ت، شۆڕشا گوڵانێ گه‌له‌ك هیڤى ڤه‌گه‌راندن كۆ خه‌ونا مله‌تێ كورد بوون بۆ هندێ ئه‌ڤ دۆزه لاواز نه‌بیت، شۆڕشه‌ك بوو مینا وه‌رچه‌رخانه‌كا دیرۆكى بوو.
پشتى رێکكه‌فتنا خیانه‌تكارا جه‌زائیر خوینا تاكێ كورد پتر گه‌رم بوو، هه‌ستا نشتیمان په‌روه‌ریێ پتر بلند بوو، و پرانیا پێكهاتێن كوردستانێ ل هه‌ڤ جه‌ماندن له‌وا ژى ب ده‌ستپێشخه‌رییا جه‌نابێ سه‌رۆك بارزانى و كاك ئیدریسێ جوانه‌مه‌رگ و ل سه‌ر راسپاردێن بارزانیێ مه‌زن، بریارا ده‌ستپێكرنا شۆڕشا گوڵانێ هاته دان، ئه‌ڤ شۆڕشه ب هه‌می تێگه‌هێ خۆڤه درێژه‌پێدانا شۆڕشا ئه‌یلولێ بوو، ژبەرکۆ ئارمانجێن وێ ژگه‌له‌ك كنارێن ژیانێ ڤه په‌یامێن تایبه‌ت هه‌بوون، ب تایبه‌ت ژى رزگاركرنا گه‌لێ كورد ل ژێر ده‌ستیێ، و زه‌مینه خۆشكرن بۆ كوردستانه‌كا ئازاد و سه‌ربه‌خۆ.
ڕاسته بریارا سه‌رهەلدانا ڤێ شۆڕشێ د وێ ڕەوشێدا نه بریاره‌كا ب ساناهى بوو، ژبەرکۆ گه‌له‌ك ئاسته‌نگى هه‌بوون، لێ ئیرادا گه‌لێ كورد و خیڤه‌تا عه‌داله‌تا بارزانیێ مه‌زن و خۆراگرییا پێشمه‌رگه‌ى و سیاسه‌تا حه‌كیمانه یا جه‌نابێ سه‌رۆك بارزانى و كاك ئیدریسێ جوانه‌مه‌رگ، چریسكا شۆڕشێ گه‌ش كرن.
ژ سه‌رفه‌رازیێن ڤێ شۆڕشێ ئه‌وبوو كۆ هه‌می پێكهاتێن كوردستانێ به‌شداریه‌كا كارا تێدا كرن، ژبەرکۆ حكوومه‌تا عیراقێ ل وى ده‌مى زۆرداریه‌كا مه‌زن ل مافێن وان دكرن، ب تایبه‌ت ژى ئه‌گه‌ر ئه‌م ئێزدیان بكه‌ین نموونه كو تووشى گه‌له‌ك ئاسته‌نگان دبوون، له‌وا ب سه‌دان گه‌نجێن ئێزدى مینا هه‌ر پێكهاته‌كا دى ته‌ڤلى شۆڕشێ بوون، و قه‌هره‌مانێن وه‌كى شه‌هید مەحمود ئێزدى دناڤا شۆڕشێ دا سه‌رهەلدان.
ئه‌و پرەنسیپ و ئارمانج و پلانا هاتیه دانان بۆ هندێ گه‌لێ كوردستانێ ب سه‌رفه‌رازى بژیت د رێكا شۆڕشا گولانێ دا هەتا نهاژى به‌رده‌وامه و ئالا هه‌لگرێ ڤێ په‌یامێ ئیرۆ كاك مەسرور بارزانىیه سه‌رۆكێ حكوومه‌تا هه‌رێما كوردستانێ، چاوا درۆژانێن شۆڕشێ دا نه‌حه‌زێن گه‌لێ كورد هه‌ولا ئالۆزكرن و لاوازكرنا شۆڕشێ ددان وه‌سا ژى ئیرۆ پیلانێن هه‌مان عه‌قلیه‌تا شۆفینى هه‌یه بۆ هندێ ئه‌و سه‌رفه‌رازى و ده‌ستكه‌فتێن حكوومه‌تا كاك مەسرور ب ده‌ستخستین لاواز بكه‌ن، لێ گه‌لێ كوردستانێ دیسان ب هه‌سته‌كا نشتیمان په‌روه‌رى دێ لهەمبه‌ر ڤان چالنجان به‌رخودانێ کەت و سیاسه‌تا حه‌كیمانه یا كاك مەسرور بارزانى دێ گه‌لێ مه ژڤان قه‌یرانان رزگار كه‌ت و به‌ره‌ڤ ئاینده‌كێ گه‌ش چیت.
تُتاح هذه الصورة أيضا في: کوردی
