نیسان 15, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مه‌هدى حه‌سه‌ن:سەرھاتييا عنتەرى و بابێ وى د حسابا ئێزديا دا گرنگيا خۆ ھەيە بۆ سەقايى و زڤستانێ 

سەرھاتييا عنتەرى و بابێ وى د حسابا ئێزديا دا گرنگيا خۆ ھەيە بۆ سەقايى و زڤستانێ 

مه‌هدى حه‌سه‌ن

(تيتكێ تيتانە تە مالا خو خرابكر و مالا من ل جەم يا خودانى)
ل چاردەيى مەھا سباتا رۆژھەلاتى وەرزێ زڤستانێ ب دوماھيك دھێت و دبتە وەرزێ بەھارێ ل/2/29 شوباتا زاينيى ، ژ بەر كو مەھا سباتێ نيڤەك زڤستانە و نيڤەك بەھارە، عنتەر رۆژەكێ ژ مال دەركەفت دنيا گەرم بو رۆژەکا گەلەک خۆش بۆ دنيا گەلەك یە گەرم بو بەرێ خۆ دا دەشتێ و گەريانەك ل ئاقارێ گوندێ كر، ديت تەير و تەوال يێ پوش و پالی خرڤەدكەن و تەيرەكى بناڤێ (تيتى) ھێلينا خۆ يا دروست كرى و ھيكێن كرين ، عنتەرى ژى بەرێ خو دا هێلینا تیتی و هیکێن کرن وەسا ھزر كر زڤستان خلاس بو مادەم ( باڵندە) تەیرا هیك كرينە ، رابو ھاتە مال و دگەل بابێ خۆ ئاخفى، گۆتێ باب سەباھى دێ پەزێ خۆ بەين زوزانا و دێ رابين كاروبارێ خۆ كەين بابێ عەنتەرى گوتێ كورێ من ھێشتە رۆژەك زڤستان يامايى بلا سوباھى ژى دەرباز بيت بخێر كارو و بارێ خو بكە و ھەرە ، بەلێ فايدە نەكر عنتەرى گۆتە بابێ خو رۆژەك و شەفەك يێت ماین خو دنيا خراب نابت سوباھى دێ پەزێ خۆ بەين ودێ چين، ھندى بابێ وى گۆتێ كوڕێ من دا زڤستان خلاس بيت ئەڤ رۆژ و شەف گەلەكن ل حسابا زڤستانێ يەعنى سالەك و زەمان يێت ماين فايدە نەكر ، ل ھێڤارا ١٣ى سباتێ ھێشتە رۆژەك ماى زڤستان يەعنى ل (٢/٢٨)عنتەرى گۆتە بابێ خۆ دڤێت ب رێبكەڤين ئەو فەرمان ل بابێ خۆ كر تەرش و تەوالێ ھەمى خرڤەكرن و خۆ حازركرن، سبەيكێ زوو دانە رێ ژ گۆتنا بتر ژ دەھ كەريێن پەزى ھەبوون و چەندين دەوار و مەھین و ئاژەلێن ديتر ھەبون، سبەيكێ ھەمى بكار كرن و بەرێ خو دان زوزانا بو كوچەريى چيراندنا پەزێ خو و ب رێكەتن، ب شەڤ سەقا ھاتە گھورێن و بەفرۆ و بارانێ لێكر و تەنگاف بوون سەقا ساربو و بەفرەكا زۆر ھات ورێكا وان ھاتە گرتن و تەرش و تەوالێ وان كەتە بن بەفرێ ھەتا بەرێ سبەيكێ ھەمى ئاژەلێ وان دناڤ بەفرێ دا مرن، ژ نەچارى زگێ دەوارێن خۆ كەلاشتن و خو دناڤ زگێ حێشترا دا پاراستن بس دا گيانێ خۆ ب پارێزن، لێ عنتەرى ڕمەك ل بەر خو چقاند و زەنگلەك ب سەرێ رمێ ڤە دانا دا تشتەكى ژ رەوشا سەقايى ب زانت ، دبێژن ھەتا بەرێ سپێدێ ھەفت جارا بەفر بارى و د بۆ ساھى دەمێ بەفر دبارى زەنگل نەدھژيا و دەنگ ژێ نەدھات دەمێ بەفرێ بەتال د كر دەنگێ زەنگلێ د ھات عنتەرى زانى چەند جارا بەفر ھاتيە و چەند جارا بيە ساھى ، بەرێ سبەيكێ رۆژا ئێكێ ژ بەھارێ بەفر و باران سەكنى و رۆژھەلات وڤەگەريان مال دەست خالى بەس مرۆڤ د ساخبون و تەرش و تەوالێ وان ھەمى مرن، دەمێ نێزیكی مال بین و گەھشتین ئاقارێ گوندی گۆتن دا ئەم بچين بەرێ خۆ ب دەين وى تەيرى و ھێلينا وى كا چى ب سەرێ وان ھاتيە جون ديتن تەيرێ (تيتێ )ل ناڤ ھێلينا خو يێ رەق بى و مريا ، ئەفجار عنتەرى گۆتێ (تيتكێ تيتانە تە مالا خو خرابكر و مالا من ل جەم يا خودانى) و ھاتن مال ب دلەكى پر خەم و كۆڤان عنتەرى دوو ژن ھەبون ئێك كچ مام بو و ئێك يە بيانى بو ھەر دوو ھەڤژینێن عەنتەری دلشۆزی و خەمخوریا خو دەربڕین و ئێكێ بتر یا دی خو دا پێش كو دلێ وێ بتر ب عەنتەری ڤە بو ، عنتەرى پرسيارەك ژ ھەڤژينێن خو كر گوتا وان دلێ كێژ ژوە ب مەڤە بۆ ئەز دزانم، كيژ وە دزانت جەند جارا بەفر ھاتيە و چەند جارا بيە ساھى ؟ ژنا بيانى گۆت بخودێ ئەز نزانم چەند جارا بەفر ھاتیە بەلێ تشتێ ئەز دزانم بەفر ھەوە ژ ھێڤارى ھەتا سپێدێ د ھێت، دوتماما عنتەرى گۆت پسمام ئەز نەرازايمە ھەتا بەرێ سبەيكێ ھەفت جارا شەڤێدى بيە ساھى و ھەفت جارا بەفر ھاتيە عنتەرى گۆت دۆتمام راست بێژى ، ئەڤ جار ھەتا نھا د حسابا مەدا دبێژن ھەتا رۆژك زڤستان مايە دڤيا عنتەرى ل بيرا خو بينن و حسابا زڤستانێ ب كەن ، لەوا ئەم دبێژين ھەتا مەھا رەش ل ناڤ مەھانە نەچە كوچەرى وزوزانا .

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi