ئـێـزدیـاتـی تـەبـایـیـە
پیر خەلات ئەلیاس 
ئیزدیاتی ژ کۆک دا تەبایا رێیا راست و عەدالەتا خودێ یە بۆ ئاڤاکرنێ بۆ سەبر و هەدارێ بۆ لێبۆرینێ بۆ خێر خوازیێ و بۆ پەروەدەیێ و هەتا ب رێزگرتنا گشتی، ئۆلا ئێزدیان ئۆلا رەسەن و سەرفەرازە لەورا هەردەم کەسانێت ئۆلدار و شیرەتکارێن ئۆلی ژ ئەدەبێ دینێ ئێزدیان دەنە زەلالکرن و دبێژن: هون پالدەرێن تفاق و تەبایێ بن و بلا هەر دەم هون خودان باوەریەکا سەرفەراز و بەختەوەر بن و هەڤالینیێ بدەنە مرۆڤێت خودێ ناس یێن زانا و رێبەر و خودان رەوشت و مەعریفەت و ئەڤ دنیا یە خۆشە ب خۆشی ب زانەبوون و سیفەت و سنیات لەورا ژ ئەدەبێ دین دەتە دیارکرن و دبێژت:
برمە دیوانا ئیلایی
من لوێ دیتن خۆشی و شایی
سەرێ هەموویێ تفاق و تەبایی .
ئیکی خودێ دایێ
ڤێرا بکەن تەبایێ
کەرب و گینێ چو ژێ نایێ .
ژ قەولێ بابەکرێ زەرزایی
هوکە دوو مێرا کرە تەبایی
ب فروارا خودێ دێ چیایی دانێنە سەر چیایی .
ل بۆرێ حوڕ سوار بن
ب نەفەسێ را گوهدار بن
ب ھەموو موخلقا ڕا یار بن.
بلا هەر دەم هون تەبایی خاسان بن
ل خێر و خێراتێن وەکری نەد پۆشمان بن
دا ل رۆژا ئاخرەتێ نەد سەفیل و سەر گردان بن .
*~* یێ تەمام خودێیە*~*
تُتاح هذه الصورة أيضا في: کوردی
