دەڤەرا ڕۆژهەلاتا ناڤین چاڤەرێى گوهۆرينێن گەلەك مەزن دکەت
مەهدی حەسەن موراد 
ژ بو ڤان گورانکاریا دڤیا گەلێ کورد نەخاسمە حکومەتا هەرێما کوردستانێ و سەرکردایەتیا سیاسی خو بەرهەڤکەن ژ هەر ئالیەکی ڤە چ خو پارێزین ژ ڤی شەرێ د هێتە کرن چ د هشیاربین ژ لایێ ئیداری و لەشکەری و سایکولوژی و رامیاری ئەمنی ڤە ب سلامەتی ژ ڤان کاودانا دەربازبین ، دڤیا ب زانین دێ شەرەکی گەلەک مەزن ل ڤێ دەڤەرێ یێت هێتەکرن و ب زانین هێزێن دنیایێ یێ هەڤرکیێ د کەن کا هەر ئێک دێ چاوا شێت هێزا خو سەنگا خو ب سەلمینت ل ڤێ دەڤەرا رۆژهەلاتا ناڤین کو ئەم بەشەکین ژ ڤێ دەڤەرێ ، ژبەر کو ئەڤ دەڤەر گەلەک گرنگیا خو هەیە ژ رویێ جیوبولوتیکی ڤە کونترولا ڤێ دەڤەرێ گرنگا بو وان ، شەری یا دەست پێکری دناڤ بەرا حەماس و ئیسرائیلیا دا ل غەززە و حەماس پێشخەریا ڤی شەری بو ، لەوا دڤیا رەوش باش بهێتە خاندن و ئەم کوردستانی ڤێ دەرفەتێ ژ دەست نەدەین و باش دیراسەت بکەین ژبەر کو دڤیا ئەم باش ب زانین ئەم چەند خو ب پارێزین ئەم ژ ڤی شەری قورتال نابین، چاڤدێر و پشتەڤانێن ڤی شەری ب مال و ملکێ عیراقا شیعی یێ شەری دکەن ل غەززە بەلێ شەر یێ ب وەکالەتا گەلەک دەولەتا یە و رەهو ریشالێن ڤی شەری گەلەک جها دگرن گەلەک دەست یێ ل پشت، پرسیار یا ل ڤێ رێ ئەرێ بوچی ل ڤی ساتە وەختی حەماس هیرشکرە سەر ئیسرائیل و ئەڤ کارێ تیروری ئەنجامدا و کەسێن بێ گونەهـ یێن ئیسرائیلی گرتن و کوشتن و ژنێن وان بێ هەتک کرن ئەڤ رەوشا ئالۆز هاتە پێش! ئەڤ کارێ نەرەوا یێ ریکخراوا حەماسا تیرورست ئەنجامدایی هوکارێن خو هەبون :
ئێک – ل سەر ئاستێ زلهێزێن عەرەبی شانشینا سعودیێ ل بەر بو رێکەفتنا دوماهیکی دگەل ئیسرائیل مورکەن بو ئیرانێ گەلەک نەخوش بو .
دوو – ژبەر شەرێ ئوکرانیا ئەو رێکەفتن و پێکولێن ئەمریکی دگەل ئەورپا دبونە مەترسی ل سەر روسیا د رێکا هەوالگێریا روسی ئەڤ شەر هاتە پێش دا ئەمریکا نەگەهت مرازێن خو
سێ – ئیرانێ د خاست ئەمریکا مژولی ڤی شەری بت دا چەکێ خو یێ ئوتومی و بەرنامێ خو یێ نەوەوی دوماهیک بینت .
لەوا ژی ئەڤ شەر یێت هێتە کرن ب وەکالەت و ل بن فشارا ئیرانێ و راسپاردێن روسی و هەوالگێریێن بەریێ رۆژهەلات، هەر وەسا ئەڤ شەر نە شەرێ دیانەتا یە شەرێ بەرژەوەندا یە ، دڤێت ئەم نەهێینە خاپاندن و نابت ئەم خو ب ئێخینن ناڤ ڤێ شۆپێ دا ، وەکی دی ژی دڤیا ب زانین ریکخراوا حەماس رێکخراوەکا تیرورستی یە کا چاوا ریکخراوا داعش ل ژیر فشارا دەولەتێن ئەقلیمی و پشتەڤانێن تیرورستا دربا خو یا هەرە مەزن ل کوردستانێ دا و شنگال وێرانکرن و هێدی هێدی هێرشکرن سەر کوردستانێ کرن و نەژ خوراگریا پارتی و بارزانی و پێشمەرگەهێ قارەمان با بەس خودێ زانی دێ چارەنڤیسێ کوردستانێ دا چ با ، ئەڤا نها حەماس ژی د کەت ب هەمان عەقلیەتا داعشا ل رۆژهەلاتا ناڤین ل وێ رێکێ دەسپێکر، و سەرکەفتنا حەماس مەترسیەکا مەزنە ل سەر کوردستانێ نەخاسمە پارتی.
ئەڤ شەر شەرەکی هەواڵگێریە دناڤ بەرا هەوالگێرێن مەزن ل دنیایێ ئێک ( موساد)، دوو (K G B ) یا روسی، سێ (CIA) یا ئەمریکی،دگەل سافاک اطلاعاتێن ئیرانی شەرێ ژێک برنێ یە نە شەرێ بوسلمان و جوها یە ، ل گور دیتن و بوچونێن مە ژی بەری نها شەرێن وەسا هاتن پێش ئالوگۆر پەیدا بوون ، ل بیرا مە هەمیا یە دەمێ سەدام حسێن چو د کویت دا و داگیرکری و شاشیەکا گەلەک مەزن کر و د ئەنجام دا سەرێ و خو و کورسیکا خو و حزبا بەعس دانان سەر ڤێ شاشیێ ، رێکخراوا قاعدە و ویسامە بن لادن ل (١١ )ی سبتیمبەرێ ئەو کارێ تیروری ئەنجامدای ل ئەمریکا دیسا گورانکای ل ئەڤغانستان چێبوون ، دلنیا بن ئەڤ رویدان و شەرێ غەززە و ئیسرائیلێ دێ ئیران سەرێ خو دانێت سەر هیدی بەسە دڤێت گورانکاری بهێنە کرن و ئاشتی و ئیمناهی دەڤەرێ بگرت و ئەڤ زڕتەکێن ئیرانی ژی بهێنە ژ ناڤ برن و سەقامگیری و تەناهی ل رۆژهەلاتا ناڤین بەرقرار بیت فەلستینی ژی ب دەولەتا خو شادبن و ئاشتی و ئێمناهی ئیسرائیل ژی بگرت ..
تُتاح هذه الصورة أيضا في: کوردی
